L
sultaten te komen. We konden altijd een beroep op hem
doen. Hij heeft ontelbare muziekstukken gecomponeerd.
Vele malen zorgde hij voor de pianobegeleiding als so
listen optraden. Holster heeft ons naar ongekende hoogte
gebracht, maar we kunnen veilig stellen dat hij veel heeft
bijgedragen om de harmonie in onze vereniging te bewa
ren. We mogen en zullen hem nooit vergeten.
Sj aak van Loo
Trompettist, bestuurslid, archivaris en webmaster Konink
lijke Harmonie "Eendracht Maakt Macht" Kruiningen;
www.emm-muziek.nl
Onzeedelukke badklêêding
Leo Huijsen reageerde op een artikel van Pau Heerschap
met de volgende woorden:
Ik leeze net in Nehalennia 't stikkie van Pau "Wêêr naer
strange" waerin hie 't heit over onzedeleke badklêêding.
Dat doe mien diengke an die keer dat ik met mien vrouw
op 't strangd zat en de pliesie langs kwam en teege 'n
vrouw met alleen de ongderste helft van d'r biekienie an
zei: "Vrouwe wil je je bóövestikkie an doee"?
Zou Pau hiermee de onzeedelukke badklêêding bedoeld
haw?
Anecdote naar aanleiding van
'De Inmaek' door Pau Heerschap Neh. 212,
Toen ik 14 jaar was, wilde ik ok geld verdienen. Een tante
uut shreinskinders ('s Heer Hendrikskinderen) zat bij mijn
moeder haar nood te klagen: ze a te weinig plukkers. Aft
fruit was deur 't mooie weer de lesten tied helieke riepe en
most eplukt worre, of ik kon helpe, voe gheld! Volgende
merreghe mostik er 7 uure wese. 's Aevons belde ze men
vader: hou je zeune mè thuus. Zen mond stae nie stille,
(dus hij eet alle winst op!) Zen mande kom nie vol, in mie
zen mooie verhaelen out 'ten iederéén van ze'n werk of.
Dat helpen plukken was éénmalig! (Zuid-Bevelands)
Mijn opa Vleugel hoorde het verhaal aan en vond: Hij kan
beter schoolmeester worre, dan kan hij volop mooie ver
haelen vertellen.
Ik ben later ruim 40 jaar docent geweest!
Peter Vleugel
Nehalennia herfst 2021 nr. 213
Verhalen en gedichten
D'n dokter noddig?
Zö vahre as ik wete ei m'n heboortedurp Kas nóóit een
eihe uusarts hehó. Das wè te behriepen wan d'r weunden
vee te weinig meaansen. Ongs moste d'n dokter dus dêêle
mee de beweuners van een oar durp. In ongs geval was dat
Colijn, wan dat lag 't dichstebie. Ah-je d'n dokter nóódig
in de jaeren fuuftig van de vorihe êêuw, dan hiengt't
d'r vee angders an toe as noe. Noe beaal je even op om
een ofspraeke te maeken of a t't êêl eaarg is beaal je 1-1-2
en d'ambulance stae zó voo je deure. Mè de "heweune"
man toen hlad gin tillefon. Op Colijn was dat nog wè
t' overkommen, wan je kon dan 's ochens heweun nae 't
spreek-ure hae, mè op Kas kon da dus nie. Ah-je hoed
ziek was hieng je nie even op de fiets nae Colijn. Dat was
toch oaltied nog een kielemeter of vuve. A ongs een dokter
nóódig dan hieng je dat zeaahe bie de wienkel van Piet
de Wild. Die beschikte wè over een tillefon, wan die wien
kel was voo dien tied ok poskantoor hewist. Die maekte di
dan een notisie van. A d'n dokter dan 's middegs nae Kas
kwam ree'n ok oaltied êêst nae Piet de Wild toe om te kie
ken wir of t'n most weze en hieng dan z'n rongte doe-e. A
t'n medecienen vooschreef mos-je die laeter ok op'aele op
dat adres. Piet was dus eihelijk een bitje de tussenpersoon
van d'n dokter en de pasjènt. Overdag liep dat eihelijk
wè hoed, mè je most 's nachs niks overkomme, wan dan
oa-je een probleem. Dat ongdervongd een pas hetrouwd
stel op ulder uuwlijksnacht. Oalf de nacht wierre de buren
wakker hemaekt, omda de bruidehom een onhelokje
hehó. D'r wier hezeid da t'n een onhelok mee de pispot
hehó en da t'n een flienke snee in z'n kongte opheloapen
Aflijn, d'n dokter zou d'r an te pas motte komme. De
buurman schoot in de klêêren en hieng kop over hat nae
Piet de Wild. Deu te kloppen, te roepen, stêêntjes tehen 't
raem te hooien, kreeh'n Piet wakker en kon eindelijk d'n
dokter hewaerschuwd óóre. 't Ei dus een behoorlijk stuitje
heduurd voo a die d'r kon weze. Ik dienke da 't bruids-
paer een êêl angdere voorstellieng van die nacht hehó zü
Helokkig was dit geval hin kwestie van leven of dóód,
want a dat 's nachs wè 't geval was dan oa-je écht een hróót
probleem. Je kon nie even mee een ambulance nae 't zie-
kenuus hebrocht óóre, wan de de bóóten voere nae eaalf
ure nie mi. Je mó t'r noe nie an dienke! Je kan dan ok wè
behriepe zeker da m'n blie-e waere mee de bruhhen.
Lau Eikenhout, dialect Kats
'n Dagje strand
Henk Blom
'n Eêle dag nae 't strand gae, dat m'n eihenlijk nooit edae,
ok nie toe dat wulder nog kinders tuus aode. Noe gae m'n
as 't waeter waarm genocht is, in dat is vó mien laeter as
vó de vrouwe, nae 't strand om te zwemmen. Me bluve dan
nog wè 'n stuitje zitte om te droahen, ma meêstentieds gae
m'n dan wi naer uus. As ik 't waeter inhae kiek ik aoltoós
eêl goed of dat 'r gin kwallen bin of zeê-onden. 'n Paer jaer
eleej ao de vrouwe 'n anvaerieng mit 'n joenge zeê-ond in
dat was nie leutig. Ie wou dienk ik enkelt spele, ma jao, ie
krauwde mit z'n naehels over d'r beên in ze most 'r mee
naer de EHBO-post in de dokter. Sint kieke m'n aoltied
eêst goed wat of t'r nog meer zwemt. Zaalf aod'ik dit jaer
'n gevecht mit 'n kwal in daer bin ik goed dü gestraeld.
Aomè roóie bulten op mien aarm. 't Dee vee joeke in de
azaron miek 't ma 'n bitje minder. Ik ao d'r 'n weke last
van. Ma goed, die beêsten bin nog te overzien, 't Oor wè
anders, as t'r van die eêl groóte beêsten onze waeteren
komme bezoeke. Ik las in de krante over 'n lederschildpad
van 2,5 meter in over butskoppen van wè zeven meter!
In spitssnuitdolfijnen in aore van dat soort. Dat ei mien
toch 'n bitje onherust emaekt. Me wete aolemaele dat 't ier
waarmer in waarmer oort. Trek kriehe m'n ier te maeken
mit aolder'ande aore beêsten die of eihenlijk enkelt in de
tropen rondzwemme. 'n octopus bevobbeld. Zó'n eêne
wae je van kan leze in "20.000 mijlen onder zee" van Jules
Verne. Wat de vissen anbelangt: ik zou toch nie graeg 'n
koraolduvel tehenkomme of op 'n steênvis trappe. Daer
je meer last van as van 'n doodgewone kwal. De geleerden
zaahe dat de meêste van die beêsten enkelt in diep waeter
leve. Noe, je za d'r ma eêne die dienkt: ik gae 's kieke bie
't strand van Renisse. Ik droame noe a van 'n ontmoetieng
mit 'n sidderaal, 't Volhende versje van Schouws Cabaret
Kant'ooi ka je ok beluustere mit de qr-code.
Dagje strand
Op vrieje daehen at't eêt is
roept vaoder: Kom, me hae nae't strand,
't Is noe laeg waeter, zódat 't breêd is
in van dat lekk're arde zand.
Dust mieter aoles in de waehen,
je eit vandaehe niks te klaehen.
Piet, lang 't windschaarm, Bart de bal,
dan ael ik noe de Ford van stal.
Daer ei je pao, die zat nooit lere,
je ziet wè, 'k bin nog lank nie klaer.
Ik mot eêst boter'ammen smère,
je kan nie zonder, ist gin waer?
Dust Lina liemenaode aele
in zei ma: moeder kom betaele.
Jans, brieng 't zwemhoed vó m'n mee,
dat is wè andig bie de zeê.
Ma nae 'n stuitje kü m'n rieje,
de West'oek in van 't Schouwse land.
Nie de Verklikker want zie je,
moe wil nie nae 't bloóte strand.
Dust gae m'n wi, dat kan nie misse,
nae 't drukste puntje bie Renisse.
Bart in de kreeke neer'ezet
doe gornet visse mit 'n net.
Wat m'n leut dae in de holven,
ma moeder ei toch schrik op schrik,
want pao oor onder 't schaarm bedolve
in Jans verliest 'r bovestik.
In Piet gee ieselijke kreten,
ie roept: 'k bin dü 'n kwal ebete.
Moe zeit: daer k ok an edocht,
ik nog Azaron ekocht.
An aole leut kom ok 'n aende,
37
Begrafenis van dirigent Holster, 1971
'n Voorbeeld van zeedelukke badklêêding, naemeluk de gebreide
zwembroeke. Om 't zeedelukte laete weeze mos je wel met n
hangd je broek ophouwe, want die was nae 't zwemme löödzwaer
van 't zeewaeter (zie verhaeitje). Heelaes warre d'r geen wriengers
36 op 't strangd om je zwembroek deur heen te haele.