Arbo-friteuse vindt winnaor m Bingo-leider Pierre schudt de grapjes moeiteloos uut z'n mouwe. "Zevenenveertig, dames en heren, de helft van een bekend reukwater", 't Vintje dat a een reuze-zak snoep wint, mag 't er 's flienk van nemen, vindt Pierre: "Er zit een tandenborstel bij". De winnaor van de kinder-bingoronde gelooft 'm op z'n woord, 't Is Zaoterdagaoven, 'alf tiene. In café Driewegen wor bingo gespeeld voo 't goeie doel. Van de opbrengst worren 'leu tige diengen' gedaon voo de kinders uut de buurte. 't Zien d'r zö'n dertig, 't Grootste gedeêlte komt uut de vruchtbao- re polders rond Driewegen. Het Biervlietse buurtschap zelf vergriest in rap tempo. D'r weunen mao drie kinders meer. Mao opa's en oma's èn ze d'r genoegt. De sfeer in 'Holland Casino Driewegen' (de moppentrommel van Pierre is nog lange nie leeg) is 'n bitje opgewonden. Is 't de wermte, of ligt 't ergenst anders an? Pierre, spreekstalmeêster bie talloze evene menten in de streek, zurgt d'r voo, dat de gank d'r in bluuft. In café Driewegen wor nie gemuggeld mee een dutsig draoinetje. Van voren in 't achterzaoltje staot een vierkante, verlichte bak. In Artis ka je d'r aopjes in zien dan sen. 't Machien spuugt achter mekaore gekleurde balletjes uut. Sommige spelers èn moeite 't moordende tempo der ballen bie te 'ouwen. "Ee, nie zö vlug. Ei je soms een 'aos gevreten?", kriegt de bingo-leider nao z'n 'oöfd gesmeten. Mao die bluuf sjette geven, 't Is een goed bewaord geheim a de ervaoren koerscommentator soms last èt van Oost-Indische doöfeid. En da komt juust in zukke precaire situ aties wè goed uut. De buurtverênigienge voo deze bingo- aoven fraoie priezen bie mekaore weten te gaoren. De priezentaofel is tot de rand toe gevuld. Een plaotselijke bank z'n eigen van z'n gulle kant laoten zien. Petten, por-

Tijdschriftenbank Zeeland

Noe. 'n bitje uut 't zuudwesten | 1997 | | pagina 10