Rondje Veerse meer
I. bie de Middelplaeten
stilte 'angt in de lucht
tussen aolle diezigeid in
een slobeend dobbert
mee z'n kop achterin de veren tussen soortgenoten
en 'onderden smienten, kuufeênden en zaegbekken
'ouwen 'm gezelschap
rustgevend ruust 't riet
langs de rand van 't Veerse meer
still' staet de scholekster an de kante van 't waeter
vèrderop loopt tot z'n buuk de tureluur
in 't ondiepe laegje zilvergoud
even vérder
dribbele op een zandplaet' 'onderde witte bolletjes
op pootjes tussen eveneens 'onderde zilverplevieren
en rustig zeilt een zilvermeêuw
deur de mist
Peter Geene