't Doelloze Doel
len 'eël durp moe verdwiene. Negenonderd ménsen moete weg vö de vooruut-
gang. 'Uzen ore gesloopt, 't schooltje gae plat, en de kèrktoren? Dat dieng
stoeng toch a scheef. Het duvekot van de man mee de siegaore moe weg, Cafe
De Sportvriend, 't kapelletje an de Schelde, noem maer op. Aolles moe wieke vö
de containerhaven. En de ménsen buge. Frank Viergever en Cees Maas kuierden
op een kouwe zondag deur een Belgs durp dat ter dood veroordeeld is deu de
'Arde Belgse steen. Straeten zoas je ze alleên in Belgie ziet. Saoi, gin voortuuntjes, weinig
gezelligheid, traolies vó de raemen, een Suske en Wiske-boek in 't echt. Ze fietse 'ier op
van die fietsen mee van die rechte sturen. En de frituur gae mae twee uren open op zon
dag. In de lucht ruukt 't 'n bitje nae benzine, mae dan wat zoeter. En overoal 'oor je zacht
gebrom. Dat 'angt over 'eêl de streek, 't Is nie buutengewoon gezond 'ier. Dat zie je ook
in het gezicht van de ménsen. Of ik verbele m'n eige dat. 'Oe is 't om te weunen tussen
de naftakrakers en de oprukkende fabrieken?
'We zijn nondeju overbodig en ze zijn zo brutaal dat ze dat nog hebben opgeschreven
ook,1 zeit de man mee de sigaore verontwaerdigd.
Ie geeft ons een brief mee. Van de gemeênte Beveren naemens de Vlaamse deêlregerienge.
'Geachte inwoners van Doel, u wordt onteigend want een containerhaven is belangrijker,'
zó luudt de strekkienge van die brief. Het is 't eerste en 't énige bericht dat de
Doelenaeren gekregen 'ebbe. De verzemddatum is 21 januoari en den eerste zin van de
brief vaol geliek mee de deure in 't onverkoopbaer g'oore 'uus: 'Zoals u reeds vernomen
hebt via de media heeft gisteren de Vlaamse regering beslist tot de aanleg van een
containergetajdedok op de Linkerscheldeoever. Doel wordt daarmee onleefbaar en moet
dus onteigend worden.'
Da woordje: dus.
Noe nummer 1
