kriege, vinde ze.
Een kuiertje deu Doel is een kuiertje langs
dichtgespiekerde 'uzen, mae ook langs
mooie, nieuwe bungalows. Je komt er vee
protesten tegen. Iemand ei een zwarte
vlagge in z'n voortuun gezet. En vlak bie
de kerncentrale ei een Doelenaer biekant
z'n 'êle 'uus volgeplakt mee pamfletten.
'Door onze weiden geen nieuw dok,' leze
me. En: 'Ik ga hier niet weg, over mijn
lijk'. Bie 't begin van 't durp oor je nog
vriendelijk welkom g'ête deur de gemeen
te Beveren. 'Welkom in het Scheldedorpje
Doel', staet er op een infopaneel. En op
de achterkant iets dat 't gemeentebestuur
kennelijk vergete is weg te 'aelen: 'Voor
een reine en bloeiende stad. Het
Stadsbestuur'.
'In het jaar tweeduizend moet er hier al
zevenhonderd meter kaai liggen,' zeit de
man mee de sigaore. 'Tussen nu en vijf
jaar is 't gebeurd.' Ie 'aelt z'n schouwers
maer 's op.
Ie wiest ons op de 'oogspanniengsmasten,
die a op betonnen poten van ongeveer
vuuf meter 'ooge stae. Zö 'ooge oor 't slib,
dat uut de containerhaven komt, 'ier
gestort, vertelt n. Ik kiek 's nae Frank en
ie kiekt 's nae mien. Vuuf meter boven 't
maoiveld is geliek an de bovenkant van de
zeêdiek. Ze gae 't êle durp begraeve onder
een stienkende laege blubber.
Uut de tied
Doel moet er an. Ik moe dienke aan een
vriend van me, die ooit gezeid eit dat
wanneer de Belgen Zeeuws-Vlaenderen
zoue bezitte, d'r vanaf Antwerpen toet
Cadzand eên groot industriegebied zou
ontstae. Ik vond dat toen nog a overdreve,
mae a je 'ier loopt en luustert nae de man
mee de sigaore, gae je toch die kant op
dienke. Doel is uut de tied en moet er an.
Vö de vooruutgang. Onder vuuf meter
stienkende blubber.
't Is tied om te gaen. Me riee de 'oófd-
straete uut en Doel is a gauw nie meer as
wat 'uzengekroenkel onder twee 'oge
koeltorens.
De zunne zakt weg en maekt de horizon
nog grauwer. 'Dat was Doel,' zei Frank,
en ik dienke: 'Dat was Doel'. Nest
Zeeland oort 'n durp begraeve. Langs de
weg vromme ligge vuulniszakken en
flarden landbouwplastic. In 't zuudwesten
trekt de zunne strepen over den 'emel.
Boven Beveland 'angt een buue.
Noe n u m m
