uut Vlissienge. En ja 'oor, die kriegt t' tweede stik dat geveild oort
in eigendom vor 186.000 guldens, 't Bieen is begonne bie ander-
alve ton en d'r is zeker twintig keer een 'and opgestoke. Kalm
gaet 't, dat bieen. Soms afwachtend, aoltied beheerst - alleên dien
eênen Braebander wiest mee z'n sigaore elke minute een aore kant
op.
Mae Ko Siemense is bliekbaer anders gewend. As t'r eên mee
duuzend gulden opbiedt, korts nae den inzet as vuufduuzend nog
gewoon is, reageert n geliek. 'Dat za je aoltoös zie. As je vee eit,
dan bin je d'r zuunig op.' En as t'r laeter achterin de zaal een
zögenaemd antiek karretje mee een rotklap tegen de grond klist,
eit n ook z'n commentaar gereêd. 'Wete je noe 'oe as dat komt
Das omdat je te langzaem biee Aolleman lacht - ook de man
nen die as tegen 't karretje geleund stoenge - en 't bieen gaet deur.
Behalve de klap van 't karretje gebeurt er trouwens nie vee dat
buten de orde is. De stemmienge in de zaal is patent. Natuurlijk
bin d'r van 't eige durp, van Seros, een stel boeren en ook een
paer ondernemers en renteniers. Op de tweêde reeke stoelen zitte
een paer èrbeiers van Oóstkappel, aollebei rond de tachentig.
Meer naer achter een risje boeren van bie ulder, mee Jan Zaed, de
commissionair - even onverstoorbaer as aoltied. Geên van ulder
biedt. An de aore kant zitte 'r drie van Beekerke, d'r is een koeie-
boer van Meliskerke en vaneiges dat Piet van de Bosse d'r ook zit.
Die wil wè is wete wien as 'n as buurman kriegt. Ginter, is dat
geên boer van Schouwen Jazeker, mae ie komt vlak uut de
buurte. 't Is t'r eên die in de Lepelstraete geboren is - d'r bin d'r
trouwens meer uut dien 'oek. En dat Bram Diengemanse 'ier zit,
dae stae je toch nie van te kieken, zeker. En wat docht je van
Harry Francke 't Spul zou agauw nie deurgae as boer Harry d'r
nie bie was
Een dertig of veertig man - vrouwvolk is t'r nie vee - loopt in de
pauze om koffie of een joenkje. De stemmieng an de bar is
bovenst best. De spannienge van van te voren is t'r af en de bieërs
bin zowat aol op ulder stoelen gebleve - die moete nie van d'r
apropos raeke deur gepraot. Vermaek, dae bin de meêste vö
gekomme. 'Kon je j'n eige toch inouwe Zö kort er bie weune
De man dae as 't an gevrogen oort, lacht even breêd as de vraeg-
steller zelf. Ze wete aollebei dat 't geên spekje vö ulder bekje is.
Van dat soort opmerkiengen roenke d'r meer om-ende-weer.
Milde humor, zömae even een paer guljaordige woorden, even
laete wete da je mekaore nog waardeert. Noe moe je 't doee, as je
mekaore op de trekker tegenkomt, ei je nie vee gelegendeid vö
conversatie.
Noe nummer
