Tegen de malheur
'k 'èn net zóvee gedachten as stengels
tèrv' op 't land
eêst riepen z' en dan snie ik z' af
eên voo eên bie d'and
ik dossen en ik ziften ze
'eêl precies en dan
leg ik van de schoonste een
wintervoorraodj' an
tegen de malheur,
om de misère te vezachten
èn 'k 'n baoltje mee wèrme gedachten
da baoltj' is net een vlammetje
'eêl diepe in m'n bost
of 'n wèrme bostrok
bie vuuftien graoien vost
en weet j'oe a da komt
da lig ook 'n bitje an joe
wan van joe krieg ik zö'n schoon
gevoel, af en toe
tegen de malheur,
om de misère te vezachten
'èn 'k 'n baoltje mee wèrme gedachten
bin m'n daogen soms 'n bitje
an de kouwe kant
en voel ik me katievig,
dan 'èn 'k wat achter d'and
en weet je wat a mien baoltje
zö biezonder maokt
'oe meer an 'k d'r uut eten,
'oe voller a 't geraokt
tegen de malheur,
om de misère te vezachten
'èn 'k 'n baoltje mee wèrme gedachten
Noe nummer
Adrie Oosterling
(vèrsje van Adrie Oosterlings schiefje 'Vrij')