West-Zeêuws-Vlaonderen vergriest? Grapje!
Vriedagaovend. De wind 'uult deu de
straoten. Windkracht acht of negene is
voospeld. In 't rippetitielokaol van de
Ballerina Pimps in Aerrenburg sturmt 't.
Mao da doet 't ook a 't nie waoit.
De 'ardst rippeterende band van West-
Zeêuws-Vlaonderen doet 'eur naome eêre
an. A je binnenkomt, krieg je oordopjes.
De buurman 'èt er geen nodig. Die is
ardórend. Tot tien uren precies mag t'r
gerippeteerd worren. Regels zien regels.
'Kom an, joengers, me doen d'r nog een
voo tienen'. De muziek knalt uut de
spiekers. Rauw, compromisloos.
De wind buten 'oudt z'n aossem in.
The Lords of Disaster uut Oóstburg
spelen udder eigen letterlijk wèrm. De
schuure waor an ze in rippeteren is nie
verwèrmd. 't Is t'r een paor graoien boven
nul. Mao je gao ze nie 'óren klaogen, deze
'garage'-rockers. Ze dromen van De
GróTE Deubraok, en dao moe je wa
voor over 'èn, vinden ze.
'Muziek is-'t énigste. D'r is 'ier vérder
geên donder te doen...'.
N o e nummer 1
OttO
