De drie wiezen uut 't oosten
Marco Evenhuis
't Gae de goeie kant op mee 't Zeeuws. OK, d'r oor misschien nie meer Zeeuws
gepraot as een paer jaer gelee, mae d'r oor wè flienk over gepraot en gedocht. En
da's ook wat waerd.
Butendien bin d'r aoltmae meer initiatieven om 'iets' mee of in 't Zeêuws te doen.
D'r is Noe een tiedschrift, d'r oore aoltmae meer aevenden en zö georganiseerd en
Omroep Zeeland en de PZC besteeë redelijk wat aandacht an de taele (dien omroep
kan volgens mien nog vee meer leutige diengen mee 't Zeêuws doee, maer da's vö 'n
aore keer). Zelfs de 'Zeeuwsche Vereeniging voor Dialectonderzoek' ei een commis
sie opgericht die a vergaedert over de toekomst van 't Zeêuws
Mae, me 'ebbe nog een lange pad te gaen.
Een ieselijk langen zelfs, a je kiekt naer
aore dêlen van 't land. Vöraol in 't oosten
'èn ze a 'eêl wat vö mekaore gebreid. Je eit
er een berg tiedschriften (Noe ei jammer
genoeg nog glad niks gin concurrentie), je
eit er streektaelfunctionaorissen en
-consulenten, zakwoordenboekjes, Biebels,
gaeve muziek (een 'êle berg 'Surrenders'),
officiële erkennieng, dialectmaenden en
gae zö mae deu.
Alleênig, je oort er as Zeeuw nog a 's op
angekeke a je andere Zeêuwen vertelt 'oe
gaef a 't gun ter is. Daerom me beslote
om een paer van die taelige luitjes uut 't
oosten zelf an 't woord te laeten over wat
a t'r in de gejegente van Grunnen
(Groniengen), Eanske (Enschede) en
Remunj (Roermond) zö'n bitje gebeurt.
'Ier ei je 't verael van de wiezen uut 't
oosten. In drie bedrieven.
Noe nummer i
foto's:
er Verdurmen
Vee dank an
Joop Cruson
