Kontrarie
'Ge dienkt da ge 't weet, mao ge 'èt er gin gedacht van.
Lange op gepeinsd, mao d'r deug gin êne klap van.
Joen veraol 't sjuuste Kontrarie
Noe nummer 1
(j
ui 't Was even flienk deudoee, mae t resul-
3 taat mag t'r weze: 't gratis nulnummer van
c Noe is een groot succes g'oore. Ik kan ier
wè aolderlei ciefers op gae voere, mae 't
q zeit, dienk ik, genoegt a 'k je vertelle da
Noe noe a zö'n bitje 't grootste Zeeuwse
culturele tiedschrift is. Mee 'n oplage van
meer as duzend. Mae vergis je nie: d'r bin
een berg verênigiengsblaeden en zo, die a
nog vee gróter bin as Noe.
Uut de reacties van lezers merke me, da
me op de goeie pad bin. Me trekke joenge
lezers, d'r beginne mensen in 't Zeeuws te
schrieven daer a je dat nooit van verwacht
zou 'èn en d'r bin d'r gelukkig mae weinig
die a moeite 'ebbe mee 't feit dat t qua
geografische spreidieng aol nog nie zö
goed verdeêld is.
D'r waere natuurlijk ook negatieve reac
ties. Meest van mensen die a 't, volgens
mien dan toch, nog nie 'êlemaele begrepe
'ebbe. Die leie bievobbeld onze spelliengs-
polletiek verkeerd uut. Een blad van voor
jEr toet achter in eên bepaelde, consequente
TV spellieng schrieve, is toch glad wat aors as
van de West-Vlaomse hiphop-band 't 'Of van Commerce (schient)
een soortje van Algemeên Beschaefd
Zeeuws naestreve. Dat eerste doee me
mee Noe wè, dat leste beslist nie. Je za
aoltied bluve ziee van wavoor eiland of
streek of zelfs van wavö durp een bepaelde
schriever komt. Puzzelt dat maer s uut in
de kommende veertig bladzies.
Sommigen dienke ook da me nie verder
komme as Walcher, de Bevelanden en t
Wilde Westen van Zeêuws-Vlaenderen.
Mae kontrarie, weet je. Me waege een
oogje an de rest van Zeêland. Me aodde
graog Noe a schrievers uut Oóst-Zeêuws-
Vlaenderen, uut Tholen en Flipland, uut
Schouwen en Duveland en liefst ook van
Goeree en Overflakkee g aod. Maer as die
d'r eige nie anbiee, dan kunne me weinig
anders doee as wachte, ope en aol-an s
babbele mee meugelijke schrievers. D r
oor an gewerkt en as je dienkt da je Noe
iets te bieen eit: stiert 't op of belt even.
En toet slot waere d'r, die a 't d r nie êle
maele mee seêns waere, dat Noe nie over
vroeger kan gae. Natuurlijk kan Noe we
over vroeger gae, mae dan we op een
mooie, eerlijke maniere. En nie vol van
valse nostalgie, gezemel over 'oe goed a 't
vroeger was en 'oe slecht a t noe is en van
die semi-leutige, boertige veraoltjes. Dus
as d'r 's eên is, die a iets moois over vroe
ger geschreven eit, of die iet of wat onder
zocht eit (iets mee sociale geschiedenis of
zö), dan plaetse me dat. Noe wil graog
venieuwend weze en ier en daer n bitje
ongesnikkerd 'douwe', mae me stae wè vö
aolles open.
Noe wil kwaliteit in 't Zeêuws brienge.
Veraolen en gedichten, reportages (me
'ebbe d'r dit keer drie 'êle gaeve), be-
schouwiengen over 't eên of t aor, inter
views, fotoseries en soms ook nieuwtjes
op 't gebied van de Zeêuwse cultuur.
Artikels over ouwe woorden, uutdruksels
en riempjes vind je 'ier nie. Daer e me in
Zeêland aore media vö.
Plezierig, ee, mee dit tweede bitje t eerste
echte bitje eigenlijk) uut t zuudwesten.
A je durft.
