ulder komt, komme ze toch tekort. En dan bedoel ik nie de kanalen van de bureauredacties, want die neme alleen mae waer wat er in geschrifte binnenkomt. Dat is alleen wat andere an ulder kwiet wille en die andere bin voornaemelijk de instanties, de organisaties, de macht'ebbers.... Journalistiek bestaet net zö wel uut 't boven waeter 'aelen van diengen die as onder 't oppervlak van de provincie gebeure. Om 's een voorbeeld te noemen: 't feit dat in 't bekende verplee- guus Der Boede zö'n bitje actieve euthanasie gepleegd oort deur mensen eten en drienken gewoon nie te geven - dae komt 't tegenwoordig tenminste op neer as je ziet 'oe beroerd weinig personeel as t'r nog mae is op een afdêlienge. 't Is aol bezunigieng ten koste van onze ouwe mensen en je vraegt j'n eige af'oevee as t'r deu verwaerlözieng te vroeg uutstappe en 'oevee as t'r mee pilletjes 'rustig' gemaekt 'oore. In welke krante za dat deurdrienge as de voaders en moeders en opa's en oma's van de journalisten in kwestie verpleegd ore in rustuzen in Breda, Apeldoorn, Rotterdam, Oegstgeest of Hilversum? En daerom, en daerom alleêne vinde ik 't eigenlijk jammer dat Noe maer eên keer in de drie maenden verschient. Mae zei noe nie, dat Jan Zwemer 't liefste zou wille dat 't tiedschrift Noe aolle weeke uut zou komme, want das dan ook een misverstand. Ik niks liever as dat de bestaende media gewoon ulder werk doe en dat ze dat doe mee de kwaliteit an journalistiek die as Zeêland verdient. Ieder 't ziene, zeide Jewannes, en ie droog z'n bultje. 'k Moe Noe ook 'n abonnement bovenstaende is een bewerkienge van Jan Zwemers praotje bie de presentatie van Noe op vriedag 19 december j.l. Net as degene die a die andere kaorte a ingevuld eit, wil ik minstens f 25,- betaele vó drie nummers van Noe en een nieuwsbrief van Stichting Zuudwest 7 Ik betaele nae ontvangst van een factuur of een accept-giro. iur of een accept-giro. f j Adres: Datum: 'Andti 'Andtékenienge;

Tijdschriftenbank Zeeland

Noe. 'n bitje uut 't zuudwesten | 1998 | | pagina 8