HISTORICAL
IVTOSBOM
n u m m c
Zetland fStonul Sor.rrv
istoricil Society
vind je 'ier, een wèreldleider in kantoormeubilair, ze doe nie vö
minder. Wèrkeloöseid is er eigenlijk nie. Zeeland ei 15000 banen
op een bevolking van 5400. De stad biedt enorm vee wérk an de
regio. Zeeland is een trekpaerd van de economie in Michigan.
Zeeland as gemeente ei een riante reserve van 10 miljoen gulden.
Deur de eigen waterzuverienge, een andere trots van de stad, is t
drienkwater er goedkoper as in de rest van de staat Michigan.
Datzelfde geldt vö de elektriciteitspries.
Groös bin ze ook op ulder ziekenuus. Dat wier uutgekoze toet
een van de 'onderd beste ziekenuzen in de 'êle USA. De christelij
ke laegere scholen mee 750 leerlingen, droaie zonder een cent
subsidie. Kérk en ouwers betaele aolles, de ouwers zelfs 3588
dollar per jaer per kind.
Genoeg ciefers. Terug naè mien Zeelandgevoel. De meter staet
allang op rood. Ik zie overaol Zeeuwse trekken in Zeêuwse kop
pen. En 't kom ook naè voren in een gesprek mee directrice Ann
L. Query van de plaetselijke Kaemer van Koopandel. Ze schrieft
de welvaert van Zeeland toe an 't calvinistische arbeidsethos van
de kolonisten en d'r afstammelingen. 'Ons wèrke 'ard en stake
nooit. De infrastructuur is uutstekend en de grondpries laeg. De
grote bedrieven komme 'ier graog.'
Asjeblieft.
Ik kuier wi verder, dieper 't stadje in. Naè de monumenten,
'n Mèrelaer fluit z'n loengen uut z'n lief bie de ouwe kérke,
't Eerbetoon an de stichters, dominee Cornelius van der Meulen
en de rieke Borsselse boer Jannes Van de Luijster. Ik lees op een
lange marmeren zuule tegenover de kérke in klaer Nederlands:
'hier rusten onze eerste doden'. En dan een 'êle rij naemen. Ik
ebbe 'n duunroösje meegenome uut de dunen bie Domburg en
legge 't verfrommelde blommetje an de voet van de zuule. Van
Zeeland naè Zeeland. Een knullig saluut an ouwe zoute 'elden.
Langs de kérke, die ooit is gemaekt uut de bouwtêkeniengen van
