de Axelse kérke in Nederland. Over de begraefplaets mee de nae-
men: de Oggels, de Wiskerk's, de DeFeijters, de Vermeulens en de
Steketee's.
As die pioniers vanonder ulder grafsteên 's konde ziee wat er g'ore
is van die ellendige plekke vol muskieten, moerassen en boom-
stroenken, waè ze 150 jaer gelee ulder rikken op braeke om 't
land te ontginnen. En noe de poen, de welvaert.
In 't lokale museum, 't Dekker Huis, stae ik wat verlore bie de
verweerde klompen van Jannes van de Luijster. Dat bin nog 's
monumenten. Ik vrieve even over de keukenstoel, waè zien vrou
we Dina Naeije op zat tiedens de barre overtocht naèr ier. Ze
kwam van Biervliet.
Zeeland in Amerika ei duzend veraelen die niemand opschrieft. Je
komt er blanco op ontdekkingsreis en je eindigt wat stilletjes bie
een paer verslete klompen. Zö moet 't weze.
Hypopreker
'n Floenker licht 'angt onderan
de bruiloft en
dominee eet zeven broodjes
goeie 'am de
bruid lacht en
ménsen kieke,
lache mee
verdomme lache
mee
Cees Maas
