Krien passionel
Kérel Krien, wat schiete j'n 'oenders
nt
0)
c
X)
O
IM
0)
Leutig ee, zukke uutdruksels, recht uut't
'arte van't Zeeuwse platteland. Den dezen
'oor je een bitje stilletjes vö j'n eige te
mompelen, op 't moment dat een ander
(de 'Krien' uut de beeldspraek) flienk van
z'n neuze staet te maeken. Want 't is noe
o is een echt relativerend zeien, dat begriep
je wè. Ironisch, kan je 't ook gerust
5 noeme: een compliment ('Kérel Krien!')
mee iets dat eigenlijk glad niks voorstelt
5 ('t schieten van 'oenders).
Wat mien noe opvalt, is da'k de leste tied
zö dikkels dat zinnetje zitte te zeien. En
aoltied as ik mee m'n neuze in de krante
zitte, bie nieuws uut Zeêland. Verlee jaer
bievobbeld, as t'r zö'n mooi verhaal in
stoeng over kasteel Westove mee die nieu
we Heemtuun. Zö'n echt modern plan:
klauwen geld d'r in gestoke, aolles wat as
t'r a 'onderde jaeren gegroeid en gebloeid
eit, platwalse en dan zelf nieuwe zögena-
emde natuur ontwerpe - echte eind-20e
eêuwse groötdoenerie! Kérel Krien! En
laet er noe nie bie stae, dat er nauwelijks
bezoekers op af komme. En ook nie, dat
er tonnen geld besteed is an 't uutbagge-
ren van de zögenaemd stikvervuulde kas-
teêlgracht - die as uuteindelijk zö weinig
vervuuld bleek dat de bagger gewoon op
de vuulnisbelt in 't Sloe op den groten
'oop gestort wier. Wat schiete j'n 'oenders!
Voraol sind as ze in Middelburg die nieu
wen burgemeêster 'ebbe, schiene 'k Krien
naebie elke weeke an te roepen - tenmin
ste dat zeit m'n vrouwe. Daè kan ze wè
geliek in 'ebbe, want Spahr van der Hoek
is zö ongeveer de verpersoönlijkieng van
iets of iemand die as meer voorstelt dan
wat 'n wezenlijk is. De ultieme Krien, zou
je kunne zeie, de Krien de la Krien.
As de man naer 'ier kwam, was 't a dude-
lijk. Niks anders as ongesausd gezever
over strategieën, over score en over 't
antrekken van bedrieven. 'Moderne mar
keting' moch dat voorstelle. Dan weet je 't
wè: da's net zö lang 'ier of daer op bluve
toutere toet dat iedereên 't steênbeu is en
je vö een gedeelte je zin geeft. Vee moeilij
ke woorden, aol-an een pluum in een
kont steke en net doe asof je ansluut bie
bestaende wensen. Nep-democratie - dae
waere ze in Middelburg toch a goed in: de
oppositie eit er a jaeren niks mi in te
briengen as lege briefjes.
Goed, me wiste dus a gauw wat vö vleis as
me in de kuip 'aodde. En ja'oor, korts
Burgemeêster Spahr van der Hoek van Middelburg
naedien liet Krien z'n tanden ziee: de dur-
pen op Walcher zoue mee de steden eên
gemeente moete vurme (zelf verzonne
deur Krien) en Middelburg moch groot
groeie toet de spil van Zeêland. Iedereên
die as kort bie 't vier zat, trapte d'r in en 't
draoide d'r op uut dat er op 't moment
miljoenen uutgegeven ore an een onder
zoeksbureau. Een verstandig mens 'oudt
z'n 'arte vast as n leest wat dat aol op tae-
fel leit - 't motto liekent wè dat 't nie geeft
'oe as Walcher d'r in de toekomst uut
komt te zien, as 't mae anders is dan noe
