UKE U
dTTUIH VAN
ZEELAND
Dit wordt dé
Noe nummer 2
op't moment. En da's nog nie't ergste.
Een gebore Middelburger, een succesvol
mae nuchter zakenman, eit overlesten nog
tegen me gezeid dat volgens 'im de uut-
komst van 't onderzoek van dat bureau a
vaststaet: Krien is iemand die alleen mae
tevree za weze mee de grootst meugelijke
groei. Ten koste van 't landschap, de dur-
pen, enzovoort natuurlijk. Zou de man
nie in z'n 'oód weze, vraeg je j'n eige
af - een geval van Krien passionel
Overlesten 'k trouwens ook een keer
Kérel Krien gerope as ik in ouwe sannie
an 't neuzen was. Een bladje van een der
tig jaer terug was 't, de 'Veerse Meergids'
van 15 juli 1969. Daè stoeng een artikel
in van niemand minder as de hoofdplano-
loog van de afdêlieng onderzoek van de
PPD, de Provinciale Planologische Dienst
van de Provincie Zeêland. Over niks min
der as Zeêland in 't jaer 2000. Bel, dan
raek je benieuwd natuurlijk. Zou 't een
bitje kloppe 'Geraamd wordt dat de
bevolkingsgrootte van Zeeland rond het
jaar 2000 ongeveer 600.000 zal kunnen
bedragen' - Krien toch O ja, daevan zoue
d'r 150.000 in de 'dubbelstad'
Middelburg-Vlissienge weune en buten-
dieks - in aollebei de Scheldes - zoue d'r
vö duzende hectares an industriegebieden
biegekomme weze. Dan dienk je ook:
Man, man, wat schiete j'n 'oenders.
't Liekt er nie is op - gelukkig mae - en 't
schient trouwens ook dat de Krien in
kwestie allank a uut de planologie verdwe
nen is.
Domheid, vertelde Krien-kenner Matthijs
van Boxsel verlee jaer nog in een lezienge
(Zeeuwse Bibliotheek, 1-4-1997), ei niks
mee dienken te maeken, mae mee doen.
Me wete beter, mae toch doen me stom
me diengen. Juust bestaende systemen
- en dan gaet 't aoltied om organisaties -
die as bezig bin om overleefd te raeken,
bin de plekken dae as de grootste fouten
gemaekt ore. En zö lank as een systeem
nog nie glad 'eêl in mekaore geklapt is,
ore die fouten verhuld, omdat 't systeem
nog een functie eit. 'De idiotie voorkomt
vervreemding', meent Van Boxsel, en
daerom doet iedereen asof 't systeem
werkt. Op zich is daeran nie te ontkom-
men, maer as je binnen zö'n systeem mee
volle kracht in eên richtienge gaet, oor 't
gevaerlijk. 'Fataal is nu juist de combina
tie van domheid en intelligentie', zö dee
Van Boxsel dat uut mekaore. 'Oe intelli
genter as domme mensen bin, 'oe gevaer-
lijker. Gelukkig laete ze d'r eige op die
momenten des te dudelijker kenne as
'Krien passionel'.
Alleen moete d'r natuurlijk wè andere
weze die as dat durve zeie... Spahr van der
Hoek, wat schiete j'n 'oenders
0 - 1
