De miene
't Regent pupestelen, ledereên klaogt steên en beên, b'alve
de visserman. 'Dit is 'n prima weertje. As 't werm isr wor
t'r nie vee vis gekocht.' Visserslogica.
De foto's zien getrokken in en rond de vismiene in Bresjes, vlak voo en binst de
Visserijfeesten 1998. 'lernaost: smaokelijk.
De klokke van de miene ei wè wat van een Rad van Avontuur, 't
Enigste verschil zien de priezen. Die bepaolen de spelers zelf.
Gespannen turen de vis'andelaoren nao 't gróte ronde bord, de
têlefoón binnen 'andbereik. Een ienkelieng voert koosachtig over
leg. Een simpele druk op de roöie knoppe briengt de klokke toet
stilstand. De toenge wisselt van eigenaor. De pries val nie tegen.
In de gróte 'alle lei een ouwe visserman briefjes in de verkochte
kisten.
Vriedag in alle vroegte zien de schepen binnengelopen. De kisten
mee verse vis worren an de wal getaokeld en mee een heftruck
nao de miene getransporteerd. De peekploeg kan an de slag. D'r
wor flienk angepoót.
Tegen de middeg maokt de vis'alle een uutgestorven indruk. In
d'aoven keêrt de rust terug. De meeuwen 'èn 't riek trug alleêne.
