je dat an je stuur. Je mot an de 'andgrepen draoie, mae enkel 't
achterste stik kan draoie, t voorste nie en dat gong dus nie mee
die wanken an. In de jacht ao 'k dat nog nie goed bekeke. Stom
natuurlijk, mae ja. Zodoende ree ik in een vee-s-te klein verzet,
en ao 'k 't dus koud.
De volgende keer ao 'k beter in de gaten 'oe a t't most en daènaè
bin dr nog vee tochtjes evolgd. Ik bin d'r nog wè-r een keer naè-
bie mie evaole, want omda je je voeten zo 'oog 'oudt, mö je d'r
goed erg in a ze nie van de trappers of sliere. In 't begun ree ik
een keer over een bobbel. Ik ao vee vaert, wan ik ree net onder de
gróte weg deur bie Motel Goes. Hop, over dien bobbel, m'n êne
voet d r of en dae maekten ik toch een raore schuver, mae ik kon
m'n eige nog net overende 'ouwe gelokkig. Bram zei a 'k van die
clickers onder m n schoenen mö neme, das vee beter zeit n, mae
dan zit je an je fiets vast en da vin ik nog vee ieselijker.
Toet op heden bevaolt de fiets 'eêl goed. Ik rie d'r bekant iedere
weeke mee nae m n moeder, die a 40 kilometer varderop weunt.
Ik gae dr we nie zo ard op a die mannen zegge a ze doee: 40, 50,
60 kilometer per uure. A ik de dertig 'aèle, vin ik 't a mooi, mae
ondertussen lig je heerlijk op je fiets, 't Is eigenlijk een echte
ouwe-wuvenfiets, zo lekker lig je d'r op en ondertussen rie ik dan
misschien die echte wielrenners wè nie verbie, mae toch wè een
'oóp are. Veraol mie de wind in is dat echt 'eêl leuk, da kan 'k je
verzekere.
Bie een zandbanke
as een zandbanke
bin ik
an de rand van de zeê
noe 's overspoeld
deur zwaere golven
ansturmend mee lange krachten
dan wee drooggevallen in de 'ête middagzun
blaek'rend van sterke machten
soms ok
kabbelt rustig een golfje over m'n 'een
of
loopt een drieteênstrandlöpertje
mee z'n vlugge dribbelpoótjes
over m'n kaelen 'uud van zand
en
voel ik over m'n glinstrend natte zand
de laeste zunnestraelen strelen
die me vrede geven.
Noe numme
Peter Ceene