I
1
vergaederienge van rieke Zeelanderikanen bie wieze van rondvrae-
ge voor. t Antwoord oort opgedreund: 'Me bin een familytöwn,
een familiestad mee goeie sociale controle. Een stad wae normen
en waerden nog 'oogg'ouwe ore. Me bin 'arde werkers en religi
eus, a is 't niet zö zwaer as in Nederland. Zeker tnegentig procent
van de protestante beweuners gaet iederen zondag naer eên van
de tien kérken, da varieert van Nederlands Hervormd tot
Gereformeerd, Christelijk Gereformeerd, en evangelische kérken.
En me 'ouwe ook nog van een grapje.'
Burgemeester Lester Hoogland voert me in z'n Jeep Cherokee een
'alve middag lang deur de stad en de onmiddelijke omgeving.
Verschok achter lover en glasgevels, leit de echte riekdom van
Zeeland. Me riee langs de hoofdkantoren van enkele van de
grootste bedrieven in de wèreld. Bristol-Myers, de grootste fabri
kant van instant-babyvoeding. Howard Miller, wèreldwied markt
leider in staende klokken. De grootste fabriek van klerenangers
noe nummer 2
De Historie
In den eesten 'elt van de vorige eêuw emigreerde gróte groepen Nederlanders naê
Amerika. Da kwam omdat er nae de Franse tied vee aeremoe was, en den oorlog mee
België in de jaeren dertig verergerde dat. Daè kwam dan nog bovenop dat er een cho-
lera-epidemie woedde en dat er in 1846 een vee- en aerepelziekte vernietigend toe
sloeg, zódat er een 'oengersnoöd uutbrak.
Nést de aeremoe was er de geloofsvervolgienge, die mee naeme de Christelijk
Afgescheiden Gemeenten trof. Geheime kèrkdiensten in boerenschuren waere 't
gevolg, en een aantal domenies besloot mee ulder gemeênschap te emigreren. Zö
ook domenie Van der Meulen, biegenaemd De Apostel van Zeeland. 'Gij zult mijn
aangezicht hier nooit meer zien,' zei t'n bie z'n afscheid in Goes, en saemen mee de
steênrieke Borsselse boer Jannes van de Luijster trommelde n z'n mensen op. Van de
Luijster verkocht z'n boerderie en betaelde 'iermee de overtocht vö vee van z'n erm-
lastige geloofsgenoten.
Een groep van 457 landveruzers stak in 't voorjaer van 1847 van wal. De tocht was
zwaer en pas naè 63 daegen kwaeme ze in New York an. Daè beslote ze d'r eigen te
voegen bie de groep van dominee Van Raalte die a eerder was begonne mee 't stich
ten van de plaats Holland.
Van der Meulen besloot Zeeland te stichten en een zwaere en onzekere toekomst
begon. Mee man en macht en 'eêl vee ossen wiere de bossen in de ziekmaekende
moerassen gerooid en de grond ontgonne. Vee stierve d'r in die eeste decennia.
Vandaeg de dag bestae d'r nog hechte banden mee 't moederland. In 1969 vroeg
Zeeland toestemmienge an de Nederlandse provincie Zeêland om de Zeeuwse vlag-
ge te moge voere. Die toestemmienge wier gegee op voorwaerde dat er een klein
verschil zou bluve in de details van 't waepen, zöas de wetten van de heraldiek dat
vorschrieve.
