Wallstreet blues
Ik zit op m'n balkon
en kiek nae't wienkelend publiek
dan 'oor 'k muziek:
'El condor pasa'
Zuud-Amerika.
En ook een neger
speelt op z'n gitaer
ie ziengt van
'Peggy Sue got married
not lang ago'.
Op de Westerschelde
vaert een banaoneboót vöbie
uut Zuud-Amerika...
Ik zit op m'n balkon
en 'k 'oor flarden van muziek
uut Zuud-Amerika
en wienkelend publiek
en Peggie Sue
en 'k dienk: oh Wallstreet blues,
mien Wallstreet blues.
Zeêland
In dit land van dieken
bezwieken
de einders't eêst
Peter
Peter in z'n diezijn 'uus ei
'onderd schaakboeken in z'n
kasse, en duuzend in z'n 'oöd
ie ziet èlken dag zö
zwart as een
openieng vö wit
Elsa Montenarie
Cees Maas