boven de tente
Ik mie plezier da stikje van Eric Rotte in nummer tweê van Noe
E geleze, mae ik dochte bie m'n eigen: wat a die meemaekt as
Zeêuwse kok, is nog niks vergeleke mie wat a ons Zeeuwse trou
badours meemaeke. Om te beginnen wor 'um nie compleet gene
geerd deur Omroep Zeeland TV en bovendien eit n voe de
koningin magge koke. Ik von dat vreêd mooi dat n dat in t
Zeeuws dee ('Majesteit, maekt 't maer 's nae') en da ze daè nog a
van genoten eit. 't Gerucht gaet da ze 't geprobeerd eit om 't nae
te maeken, maè de Rijksvoorlichtingsdienst wil dat nie bevestige
en ok nie ontkenne.
Neê, Eric eit 't geschote bie 't koninklijk 'uus. Zelf 'k daè tot
nog toe minder succes mee. Mensen die a m'n leste CD kenne,
wete 'oe a 'k afgeziee mie Juliana, maè mie Beatrix 'k ok s wat
meegemaekt. Dat kwam zö.
De Oosterscheldekering (volges mien mö dat de Noordzeêkering
'ête) zou geopend worre en daè was groot feêst voe 'n paer
duzend genódigde op Neeltje Jans. 't Ele project aa miljarden
gekost, dus de opening mocht ok 'n paer cent koste. Me wazzen
d'r dan ok bienae allemaele. Troubadours, dansgroepen, klêder-
drachtverênigingen en noem maè op. Omdat 'r zövee te doen
was, was t'r een strek schema in de tente daèr a me optradde.
Iemand aa beslist da 'k van eên tot 'alf tweê zou spele. Om pre
cies een uure klom ik op 't podium en sloeg een paer accoorden
an om te kieken of a de versterkieng 't dee. Die aa Piet Brakman
meegenome. Ik dee m'n eêste versje en dat gieng redelijk, alleen
leek 't net of dat er 'n koffiemeulentje meekloenk. 'k Docht dat
za we r an dat spul van Piet ligge, en ik dost er vedder niks van
zegge. Maè bie 't twidde nummer wier 't almaè erger en op den
duur kon 'k m'n eigen nie ml verstaen. Dat was gewoon gin kof
fiemeulentje ml.
't Publiek aa 't a begrepe. Dat geluud was de helicopter van de
koningin, die a boven de tente 'ieng. 'k E nog nooit n zaal zo
'ard leeg zie löpe, en ik bin toch wè wat gewend, 'k Bleef alleen
over, as 'n kapitein op 'n zienkend schip.
Tegen 'alf tweê kwamme d'r 'n paer volksdansers, die a nae mien
moste. Maè vedder aa 'k gin publiek.
Gelukkig aa 'k nog 'n bon gekregen voe een lunchpakket. Daè
most ik vuuf kilometer voe lópe en toen a'k kwam waer a'k weze
most, wazze ze op. 'k Bin wee trug gegae om m'n gitaar en om af
te rekenen. Maè daè was gin geld. 'k Bin spoorslags naèr 'uus
Segae- v
En a Willem-Alexander straks dien tunnel kom openen, mö k d r
nog 's goed over dienke of a 'k wè mee doe mie de festiviteiten.
Noe nummer 3
