Eên kaersje! Uutspraek Noe nummer 3 c <u LU O O Ae Noe, 't is zoverre, 't Eêste kaersje mag op de taerte. D'r bin d'r een berg die dochte a t't nie zou lukke, mae me ebbe 't eêste jaer Noe deustae. Nie eênst 's mee vaolle en opstae, mae geweun glansriek. De drie nummers die as dit jaer verschene bin, bin in kwaliteit mee sproengen voor- uutgegae. Me een formule gevonden, die a mensen anspreekt: vee korte verao- len en gedichten en daènaest artikels en reportages zöas je ze in Zeeland zelden ziet. 't Enigste commentaar op Noe kwam uut den 'oek van de beroepsspellers, de pee- naoiers van 't Zeeuwse streektaelland. Maer ondertussen me a een berg dien gen a lank a angepakt: de Zuud- Bevelandse ae (klienkt as 1) schrieve me noe as aè en de Zeeuws-Vlaomse uutgang -en in werkwoorden en meervouden, bie- vobbeld, oor noe gespeld as -n (dus: lópen oor noe loöpn). Die spellieng werk noe zö goed, da me d'r zonder problemen West- Vlaoms mee kunne schrieve. Kiek mae op bladzie 19. En as je toch nog kritiek eit, vaolt er mee ons aoltied te praoten... Stichtieng Zuudwest Zevene, onzen uut- gever, ei in 1998 ook nie stille gezete. 't Bekendste initiatief is wè 't Festival Zeeland Noe, dat in september 800 bezoekers nae Fort Rammetjes wist te trekken (blz. 23). Mae ZW7 ei ook 't ini tiatief genome om 's te kieken nae de meugelijkeden om 't Zeêuws as taele erkend te kriegen. Een initiatief da deu de provincie is opgepikt. Verder ei ZW7 bezig geweest mee 't opstellen van een creatieve cursus 'Zeêuws, 'oe schrief je dat?'. Die cursus begin noe in 't vroege voorjaer. D'r zit een klein foldertje over bie deze Noe. Noe mag je gae bladdere. En je za ziee: 'oe doenkerder a 't buten oort, 'oe makke lijker 't oort om Zeêuws te lezen. Zelfs mee maer eên kaersje. Me bin toch aol op zoek naè 'n bitje extra winterwaermte? In 't stik 'iernaest oor a genoeg uutgeduusd over de spelling in deze Noe. Daerom 'ier een overzichtje van de plekken waè de schrievers in deze Noe van- daen komme. Ka je zelf 's kieke naè de plaetselijke verschillen: van Tholen komme Cees de Leeuw (Oud-Vosmeèr) en Marien Geuze (Povliet). Albert Goeman (lesse) en Adrie Quaak (Krunige) komme uut 't Oostende, Lou Vleugelhof en Theo Raats (aol- lebei 's-Eêrenoek) uut de Zak en Peter Dieleman uut 't 'arte (Wulleminadurp) van Zuud-Beveland. Dan me d'r een 'êle reêste uut Walcher: Pier van Damme (vlak onder Middelburg), Jan Zwemer, Eric Rotte, Peter Geene (aolledriee van Oöstkappell), Bram Willeboordse (den eêsten die plat Middelburgs schrieft!), Marco Evenhuis ('Soepdurp'), Cees Maas (Domburg) en Rogier van Rogier van Ko van Lieze (Zoetelande). Uut 't wilde westen van Zeêuws- Vlaenderen me Kim Steijaert (Slikplaote), Peter Verdurmen (lezendieke), Jan Bruens (Aerrenburg) en R. Steenbakker-van Pamelen (De Groe). Bart Boóne komt toet slot glad van Bavikhove bie Kortriek, nie eênst 's zö verre van de Franse grens. Nog aoltmae gin Schouwenaeren. Mae in maerte van 1999 komt da goed; me ebbe a wat Schouws binnen!

Tijdschriftenbank Zeeland

Noe. 'n bitje uut 't zuudwesten | 1998 | | pagina 4