Ruumte verkwikt...?
Noe nummer 3
een dek en vier muren, ievallig is wind
die vriengt langst de ruten, een kouw'lijk begin
mae wat ei-je te willen, wees bliee da je 'r bin
as je in een klein 'uusje gebore bin
mae nauwe is wèrm en den an'ouwer wint
ze wete nie beter en wat wou noe een kind
buten liefst weze, want 't is binnen mae min
ook as j' in zö'n 'uusje gebore zelf bin
want ruumte verkwikt en is ulder naè 't zin
die uut de klein 'uusjes gekrope bin
- aerrem an aerrem de Gortstraet in -*
en ze krupe wè terug, mae tegen d'r zin
die in de klein 'uusjes gebore bin
eerda je 't weet een nieuw èrbeiersgezin
een dek en vier muren, een kouw'lijk begin
een kleinen d'r bie, alia, schik maer in
ze krupe 'r wè uut, want zö'n 'uus is mae min
Dit regeltje wier in Middelburg gezoenge deur de knechts en meiden as ze op
Liesjesdag (tweê keren op een jaer) een 'êle middag aerm in aerm deur de stad liepe.
Dat was een mooie gelegendeid om je verkerienge op te doen.