zien die puutn 't beste af. Van 't risservaot, net buutn 't durp,
weet 'k da nog nie zö. Das een zógenaomd beschermd plekje van
nog geen 100 meter deursnee, omgeevn van prikkeldraod en een
grachtje mee daoromeene 'n macadamwegeltje, toch nie direkt
een ideaole habitat voo puutn. Mao ja, 'k zien geen deskundo-
loog.
Toen 'k op een keer een wandeliengetje naor 't puutn-tuusland
maokende, praotten 'k een bitje mee mensn die dao weundn. Die
zeien an de reigers de meêste puutn al opgevreetn 'aon. Ze lachtn
d'r maor een bitje om. De plaotselijke natuurbeschermers 'anteêrn
wetsartikels om mensn buutn de deure te 'ouwn, mao zien ver-
geetn te dienkn an een no-fly zone voo de ornithologische lucht
macht. Voo zeker worn alle puutn die nao ulder paorienge de
boom in wiln bie 't oversteekn deur auto's platgereejn. De toe
komst van de takkepuutn die d'r eign moetn 'andaovn an de
Kruusdiekschanse buutn Aernburg, ziet 'r nie erg rooskleurig uut.
In mien oógn is da risservaot een echt Bantoestan voo puutn.
De letstn tied wier d'r vee over die puutn gepraot. Zö 'oorden ik
overlest 't veraol van een takkepuut, die 'n 'êlen aovend lang,
gekleefd an een keukenraom, mugn zat te vangn. En wien èt 'r
nie gehoörn van de beroemde schriever Jan Wolkers, die een pel
grimstocht naor Aernburg ondernam en wiens boekje in de plaot
selijke supermart te koop leit. 'k Durf 'aost te zegn a alle publici
teit, tegeliek mee de anbiedieng van t-shirts, boekn, CD's mee
gekwaok, zelfst 't uutdeêln ^an kikkerordes, groot gevaor oplevfrn
voo deze amphibische doedelzakblaozers. Bie een diernhandelapr
wiern overiestn meêr as 250 takkepuutn en salamanders in besikg
genoomn. ft
En 'ier in 't durp trof ik bie een wandeliengetje tweê luitjes die an
mee een schepnet doende waorn. Salamanders vangen. Ze 'aojt
een goeie vangst. Om te verkopen. Geliek in Sluus is de puut een
verhandelbaor produkt an 't worn. De diern gaon vanuut
Aernburg op reis naor een onbekend terraorium ergest in de
Randstad.
Ulder neevn en nichtn, de groene puutn, treft een erger lot. Voo
't kikkerkannibaolisme slaot de kikkerslaoger mee een vliemscherp
mes 't lief van de puut in tweêën. 't Paddesprienggedeêite gaot in
potjes, de rest gaot nao de destructie. Me praotn dus mao liever
nie meêr over 't lot van alle beschermde familieleedn van de tak
kepuut, zóas neef Bufo bufo (in goed Zeêuws: padde). Ulder
énigste beschermieng is te vindn as ze nao doödgereeën te zien,
gevondn worn deu een natuurliefhebber. Een dosis 'aorlak zurgt
dan voo 't eêuwige leevn.
Noe numme