Misse kunne me mekaore nie
misse kunne me mekaore nie
tenminste nie vandaege
'k bin vee te vroeg en
'k staen op zicht
ik een lantaeren
ie z'n licht
misse kunne me mekaore nie
de bus en ik
Waè vandaèn?
Waè a 'k 't vandaèn 'aèle?
Uut de jaeren voe mien geboorte,
uut de maènden da 'k dreef in 't vruchtwaèter
en in de blaèuwe ogen van mien moeder
en zeker uut d'r angsten voe piene en kouwe voeten.
Waè a 'k 't vandaèn 'aèle?
Uut de zwarte sneêuw en de kraoien
die onzichtbaer rondvlogen a 't vroos
en mien vaoder vertelden da de sneêuw
zwart was a zien moeder begraèven wier.
Waè a 'k 't vandaèn
Uut de bómen misschien, waèr a de maène
nog in 'angt mie een lachend gezicht,
misschien van den 'ond die mae bassen bleef
a d' oeve a glad of'ebrand was of van 't waèter
da nooit opoudt. Zó ku je wè deurgaè.
't Mö ergens vandaèn komme.
Jan Zwemer
Noe numme
Lou Vleugelhof
