Terug naè
_L
o Toen a John vuufenzestig was en z'n schaèpjes op 't dróge ao,
- gieng n terug nae z'n geboortedurp. Ie kocht er 't grootste 'uus
5® dat 'r ooit gebouwd was. Dat was 't 'uus van den dominee. Daè
2 was a in gin jaeren mi een dominee beroepen. De kerke wier nog
gebruukt; eêns in de maènd kwaèm d'r een dominee van buten
voe den dienst. Mae 't 'uus stoeng leeg en de gemeente ao 't
motte gebruken as deurgangsuus voe allochtonen, 't Domineesuus
was stik uut'eweund, in aolle kaèmers ao kachels en fornuzen
estaè, kort ezeid, 't 'êle 'uus was verrampeneerd. Zodoende ao ze 't
voe een appel en een ei kunne kópen.
't 'Uus ao tweê verdiepiengen en telden twaelf kaèmers en een
gróten zolder mie nog een serie kaèmertjes. 't Was ooit ebouwd
voe een dominee mie dertien kinders. Voe John en z'n vrouwe
was 't natuurlijk vee te groot, mae ze waere gewend an hotels mie
tientallen kaèmers. Ze ao naèmelijk eigenaer ewist van een 'êlen
hotelketen en een 'uusje mie twaelf kaèmers was voe ulder nie vee
meer as een gróte keête.
Ze lieten 't aollemaèle opknappen en toen begonnen de praotjes
los te kommen, 't Durp dat naè 't wiggaèn van defn lesten emi
grant wee in slaèp esukkeld was, wier opnieuw wakker.
Noe zou 'r een rieke vent uut 'Olland in 't domineesuus komme
weune. Rieke, stikrieke most n weze, want ie aojï'n eigen ménsen
uut de stad mee'enomen om 't 'uus te verbouwen. De tummer-
man van 't durp ao d'r gin stuver an kunne verdienen. An den
gróten tuun was een vremd hoveniersbedrief te pas ekommen, gin
werkeloze WAO-er ao d'r een cent an kunne bieverdienen.
't Is toch vreêd, zeie de ménsen, 't domineesuus ao beter of'ebro-
ken kunne worre, dan ao ze daê bejaerdeweuniegen kunne
bouwe, want daè was groot gebrek an. Toen kwam d'r praot dat
de nieuwe beweuner een man was die a op 't durp geboren was. 't
Most de zeune weze van dien kathelieken café'ouwer die a vroeger
tegenover de kerke eweund ao. 't Café was indertied naè z'n dood
of'ebro ken. De dominees ao gliek ekrege: de gésel van de ver-
woestienge ao die goddeloze plekke tegenover de kerke eindelijk
etroffen. Mae noe kwaèm de zeune van dien ofvaolligen romse
paepe wee terug. Schatrieke eworre en waèvan? Van een 'oóp
cafees in 'Olland. Nou, dan 'oefden je nie te vraègen waè a 't van-
daèn kwaèm, dat geld waèr a t'n mooi weer mie kwaèm spele op
't durp. Aol dat vule geld! Ie za d'r nie wel mie vaere; God laèt nie
mie Z'n eigen spotten.
John stelden z'n eigen vee voor van z'n durp en z'n ouwe vrien
den die a t'n terug 'oópten te vinden. Z'n vriendjes van vroeger,
van de légere schoole en van z'n kameraden uut den tied dat n bie
z'n vaoder achter den toog estaèn ao. Toen ao ze wat of'elachen,
of'ekaart en of'edronken. Dat was noe zö'n vuuftig jaer eleeën.
Ze waere aol wè vuuftig jaer ouwer noe, mae ie was t'r van over-
tuugd dat ze nie echt veranderd zoue weze, omdat de jachtigen
modernen tied nog nie in dat ofgelegen durp was deur'edrongen.
