Bie de geboorte van 't blad Noe wier t'r
nog a 'n keêr geroopn, a Noe eest en
vooral bedoeld is voo vernieuwnde zaokn
in 't Zeêuws. En noe zien de meeste ver-
aoln en gedichtn in Noe meêstal wè een
bitje beter as da m'n geweun zien van
Zeêuwse 'streektaolliteratuur', mao echt
nieuwe diengn zien ook in Noe nog zeld-
zaom.
Mao 't begint er op te trekn, peins 'k: de
rippertaoges kriegn altmao meer 'smoel'
en d'r zien altmao meêr mènsn, ook 'eêl
creatieve, die an een keêr wa probeêrn in
't Zeêuws. Of a da noe op z'n Schoön-
dieks, Krabbendieks of Smèrdieks is. Dien
prent 'iernaost is ook een schoon
voobeêld. 't Is een Koppermaondagprent
mee een stilcke-Zeêuws weezn.
Koppermaondag, zó 'èn 'k me laotn ver-
teln deu de maokers (Jan van Broekoovn
en Marco Eevnuus, die an ook achter Noe
zitn), is een ouwe gildedag van 't druk-
kersgilde. Op den eêsten maondag nao
Driekeuniengn kwaomn de drukkers bie
mekaore en droenkn ze 'n glasje (of tweê,
wien za 't zegn) en toóndn de drukkers-
gezeln udder meêsterkwaliteitn deu 't
maokn van een Kopperprent.
Da bestaot nog altied. 't Drukkersgilde
'eêt KVGO (Koninklijk Verbond voo
Graofische Ondernemiengn) en voo afdê-
lieng zuudwest (alles lienks van Breda en
onder Rotterdam) 'èn die gastn een prent
gemaokt. Jan van Broekoovn jutnde op
strange een getij-klokke bie mekaore van
tweê meter 'oóge en Marco Eevnuus
schreef t'r een tekst en een gedicht bie.
Daor 'èn ze dan een poster van laotn
drukn.
't 'Et al te maokn mee den eêuwenouwe
traditie van 't koppern die, tegen alle wao-
schienlijkeid in, den tied altmao den baos
;ebleevn is. Strange, zó wier t'r vroeger wè
ezeid, is den ênigstn plekke waor a je
den tied den baos kan zien: jutters pakn
puin die an eigenlijk bedoeld zien om
•'wee deu de golvn verzwolgn te worn. Zó
zien ze den tied den baos en daorom, en
om udder vrieïgheid om te kunn doen en
laotn wat an ze wiln, wiern ze nog a een
bitje bewonderd deu èrbeiers en knechts.
Die 'aon de striengn strak an en waorn
azó een bitje gevangene van udder boem
én van udder tied.
Je kiekt er mao een keêr goed nao. En
probeêr j'n eign mao een keêr in te beeldn
'oe schoóne a da dienk d'r in 't echt uut-
ziet: tweê meter 'oóge mee een iezdern
stange d'r onder en 't riem in een spiraol
op een ronde glaozn plaote gegrafeêrd.
Die plaote zit in 't midden en d'r zit een
'andvat an, zó da je 't kan draoin. Zó ka je
bluuvn leezn, of a 't noe van ebn is of van
vloein.
r
