Lammere!
Tegen a deze Noe verschient, ei de nieuwe
Zeêuwse 'Raed vö Cultuur' d'r zeien gedae
over 't subsidieverzoek van Noe. Om
regelmaetig en een bitje op niveau te
o kunne bluve verschienen, me naemelijk
centen nódig van de provincie. Glad
zövee eigenlijk nie, mae 't vorige jaer ao 't
nie vee gescholle of me ao niks g'aod. En
dit jaer ku me 't des te beter gebruke, wan
d'r bin een paer adverteerders afgevaolle...
Zeeland, beste lezers, is onder de Neder
landse 'butengewesten' (zei mae aolles
buten Utrecht, Flevoland, Noord- en
Zuud-'Olland en eigenlijk ook Braebant)
de provincie daer as 't minst oor uutgegee
an de taele van de streek. In Gronienge,
Drente en Overiessel lammert 't provin
ciebestuur ielk jaer tonnen (wezenlijk!), irj
Gelderland en Limburg doee ze daè nae- f
bie nie vö onder. In Zeeland kriege ons J
dit jaer (misschien)
4000,- vö ons bladje en is t'r verder nog
ongeveer 80000,-, vöraol vö onderzoelt
Een paer weken terug was t't verkiezien-
gen vö Provinciale Staten. A'k dit schrieve,
'k nog gin idee van de uutkomsten. Mae
ik weete 'k wè, a t't, a me de voortêkens
gelöve meuge, de goeie kant op kan gae
mee 't Zeeuws. En dan in het bijzonder 't
bevorderen daèvan. In de PZC van 24
fibrewaori stae een artikel daer as uut
bliekt, a aolle partijen in Zeêland vinde, a
t'r best 's wat meer aandacht vö 't behoud
van de taele mag komme. 't Is te bidden a
dat ook wil zeien a t'r meer geld vriekomt
vö bievobbeld Noe, een mooie informa
tiecampagne deu de provincie over 't
Zeeuws of 't benoemen van een streektaal
consulent (een manusje-van-aolles die a
een bitje sicretariaot 'oudt vö aollerlei
streektaelinstanties)
Stichtieng Zuudwest 7 is benieuwd naè
wat a jie 'oópt a t'r gebeurd op 't gebied
van dialect de kommende vier jaer. Stiert
je verlangliestje op (meer dialect op de
Zeêuwse radio en tv, een groot scholen
project, info over ouderenzurg en dialect,
Zeêuwse kerdiensten, Zeêuwse straet- of
plaetsnaemborretjes, uutwisseliengen mee
West-Vlaenderen, een Zeêuws taelcen-
trum, een stimuleriengsfonds streektaelli-
teratuur om mae 's wat te noemen). Of
geef j'n ideeën over 't Zeêuws in 't alge
méén en me zurge a de provincie daer een
overzicht van kriegt. Doet dat noe, 't kost
maer en postzegel en je 'elpt er je taele
misschien wè wat mee voruut!
Impersant wense ik julder 't plezier mee
deze Noe. Ie stae weer optoppende vol (of
zeildende vol of bostensvol of 'oe a ze dat
bie julder ook zeie) mee stikgaeve
Zeêuwse veraelen en foto's, riem en rip-
pertages. Van aolle eilanden én uut
Zeêuws-Vlaenderen dit keer, mae da zie je
vanzelf a je goed leest!
Noe nummer 4
u