'k Zou d'n van wit neme....
Jan Zwemer
N o
'Ik zag je vanochend nog, gloo'k?'
'Aa, was jie dat toch - 't zunnetje stoeng zö scherp...'
"Oeveestes bin jie g'oore?'
"k Bin as een raket d'r uut gevloge, in de eerste ronde!'
Stille is 't nie echt, as de B-finale van 't jaerlijkse biljarttoernooi in
café-restaurant 'De Kroon' op Wissenkerke gespeeld oort. Om de
taefel 'eene zit een man of twintig - daè bin ook vrouwen bie,
natuurlijk - en een bitje verder van 't laeken af, tegen de bar, nog
een vuufentwintig. Deurgewinterde biljarters uut aolle 'oeken en
gaeten van Noord- en Zuud-Beveland, Walcher en Schouwen.
Vierenzestig deelnemers eit 't toernooi: 32 in de A- en 32 in de
B-klasse. De eerste spele bie ulder eige clubs een gemiddelde van
1,8 of 'ooger per beurte, de B-spelers zitte daè onder. Spelers die
as boven de vuuve spele, doen nie mee. 't Moe leuk bluve ook. 't
Is nie vö niks een 'wild' toernooi, 'ier op Wiskerke.
't Is vö leden van biljartclubs die as nie bie de bond angeslöte bin,
vertel Jan Breedijk uut Stroskerke. 'De bond is daè nie vö, die
wilde toernooien. Mae 't is daerom evengoed serieus. As den dag
een bitje vordert, dan zie je 'ier wat. Van die grote mensen mee
trillende 'anden. Zitte ze in de zenuwen. Je zou zeie, 't is toch een
spelletje, ee...'
'Beregezellig is 't 'ier aoltied.' Kees Boöne uut Oöstkappel zit an
een taefel nè 't gevecht om de derde en vierde plekke in de B-fina
le te kieken, een uurtje vö de B-finale. 'Je kan 'ier tussendeur nog
's gezellig een pot lulle. Bie wedstrijden vö de bond is 't vee stiller.
Dan staet er geên muziek an ook, zöas 'ier noe. As me 'ier de
voorronden doee, deur de weke op een aevend, dan zitte d'r 'ier
wè mensen te eten. Dat maekt 't vee gemoedelijker. Maer as ze
zömit de A-finale spele, dan is 't wè stille, 'oor!'
Impersant zit eên van de finalisten vö de B-finale, Jurgen Mathia,
nog een bordje erwtesoep mee brood te doeen. 'Die kom noe op
krachten, ee', is 't commentaar van een paer andere. As Mathia
z'n bord leeg eit, staet n op en loop nè de flipperkaste: 'Even een
bitje afleiding zoeke.' Tegen de bar stae z'n tegenspeler van zöme-
deêm, Ronald Sohier, een biertje te lurken. Ook vö de afleiding?
Nou, om deze tied van de weeke, 's zaeterdagsmiddags kwart vö
