Noe nummer 4
viere, zit Sohier normaal gesproke nog nie an't bier. 'Moe je noe
een goeien dag 'ebbe, om 'ooge te kommen in zö'n toernooi?'
Misschien, mae volgens Sohier kan 't ook schille tegen wien a je
moet. 'Dan zei je tegen j'n eige: ik za d'n 'ebbe!'
'Vuif' dreunt de scheidsrechter. Mae Stoffel Brouwer geef te vee
effect en kan gae zitte. Stoffel is den oudsten die as 'ier speelt en
zöwaer, ie eit 't toet 't duel om de derde en de vierde plekke van
de B-groep gebrocht. 'Stoffel ei een biljarf op zolder staende, weet
je. Ie oefent lief om leven de leste tied, z$ït n.' De Oöstkappelaers
leve mee Stoffel mee, maer ie stae mee 34-21 achter. Kees
Vermeulen uut Zierikzeê ei nog zes punrfn te gaen. 'Méér traine
mee Stoffel, Willem', oort er gerope nè Willem Minderoud,
Brouwer z'n trainingsmaatje. 'Trokke en deurschiete doet n nie
goed, ee', weet Minderoud. En ie doet uut mekaore wat as noe 't
geheim van goed biljarten is. 'Gevoel ee. Die as 't vroeger joenk
geleerd in 't café, die 'ael je d'r zö uut. Ik bin ook vee te laete
begonne. Ik komme an een gemiddelde net boven de eên. Mae 't
is zö gezellig ee. Je leert een bèrg mensen kenne.'
Dat is ook den opzet geweest van Joop van den Oudenhoven, die
as tien jaer terug begonnen is om 't toernooi van Wiskerke te
organiseren. 'Je moet de mensen met mekaar in contact laten
komen. Voor mij als organisator is het sportieve element bijzaak.
Bij van die wedstrijden voor de bond zeg je soms alleen maar
'Goeienavond' as je komt en as je weggaat. Daar gebeurt niks om
het biljarten heen. Ik heb niks tegen de bond, hoor, maar voor de
lui die niet bij de bond spelen is er niks. 't Gros dat hier speelt is
nog steeds wild, en dat vind ik heerlijk!'
De Braebantse Rotterdammer Van den Oudenhoven weun mach
tig graog op Wiskerke. Tien jaer terug was n voorzitter van de
club 'ier en begon n andere biljartclubs die butenom de bond
speelde, te vraegen vö 't toernooi. 'Vooral van Walcheren komen
er veel, zeker de laatste jaren. Ik geloof dat van de 64 spelers van
nu er 42 van Walcheren komen. Maar ook van Schouwen en van
hier natuurlijk, Noord-Beveland. En enkele Zuid-Bevelanders.
Sylvia Eckel die in de A-finale zit, die komt uit Kwaaiendamme.'
Van den Oudenhoven z'n missie is gelukt: 'Dit toernooi is een
bindmiddel geworden tussen Noord- en Midden-Zeeland op
biljartgebied. 't Is één groot verbroederingsfeest.'
'Op den duur bin je kind an 'uus', vertelt ook Kees Boöne. "t
Maekt nie uut of ik 'ier noe mee Oöstkappelaers an taefel zitte, of
dak zömit ginter tussen kruupe.' En ie wies naer een taefeltje
daer as t'r een paer van Stroskerke zitte. 'Je kent mekaore net zö
goed. Elk jaer zie je naebie de zelfde gezichten. Ze bluve kom
men: d'r valle d'r 'eêl weinig af. En as 't vanaevend priesuutreiking