is, dan is de zaak 'ier te klein. Dan komme ze naebie aollemaele
en dan gaen me nè de overkant van de straete. Koud buffet en
danse. Dan oort 't laete, 'oor...'
Impersant is Stoffel Brouwer d'r uut geknikkerd deur Vermeulen.
Een vierde plekke dus, toch mooi vor een vent van 77. Van den
Oudenhoven staet op en kriegt een microfoon. De B-finale
begint en de spelers, Mathia en Sohier, oore deur de organisator
zelf an 't publiek voorgesteld. De sfeer is nog een bitje lacherig,
mae vö de twee mannen is 't bloedserieus. Aolle ogen bin op
ulder gericht. Daer komt 't zeker deur, dat 't nie goed wil opschie-
te. De ballen rolle wè, mae de punten komme nie zö schielijk los.
Sohier bakt er nie vee van en maekt dan ineêns een serie van
achte, Mathia kruup geleidelijker nè boven. En 't commentaar is
nie van de lucht - 'oe verder van de taefel vandaen, 'oe meer at d'r
opmerkiengen gemaekt ore.
'Mooie bal! Lekker uut de klus!'
'Ik zou d'n van wit neme!'
"t Is zö makkelijk ee, as je 'ier staet!'
Sohier zit as een zak vodden in z'n stoel. Maer 'oudt n in de
gaten as n d'r uut komt. Mee een serie van zevene komt n nog
een keer geliek mee Mathia: 23-23. De B-finale gaet toet de vuuf-
tig punten.
Mee ulder neuze op 't biljart volge de finalisten van de A-finale,
die zömedeêm gespeeld oort, de ballen. 'Die bin óp van de zenu
wen', weet ik zeker', oort er gezeid. En de man die gister deur- j
gedroenge is toet de vuufde plekke in de A-groep, vertelt: 'Ik
zövee biljart geziee van de weke. En d'r dan nog over lulle ook-/
natuurlijk. Op den duur, as je in je nist stapt 's aevends, dan Jf*
verwacht je nog dat er drie ballen onder dat laeken leie of zö.. V
Inplekke van uut bier, 'aelt Sohier z'n inspiratie noe uut een sigF
rette. Nog een keer komt n terug mee een mooie serie: 49-49.
Mathia douwt 't kriet agauw plat tegen z'n keu van de spannieng.
Noe numme
Ie mist. Sohier mist. Mathia mist nog een keer. Noe is 't wezenlijk
stille g'oore in café De Kroon. Dan mist Sohier nog een keer en
Mathia maekt 't af. Gewonne op 't nippertje - een prachtige finale
vö de B-groep.
Laeter op de middag doen de finalisten van de A-groep 't nog is
dinnetjes over. Gillis Sturm uut Stroskerke wint van Sylvia Eckel,
trouwens de énige vrouwelijke A-speelster. Nummer drie oort
Ron Verburg uut Wiskerke, nummer viere Christian Werlang uut
Kloetege. 'Oe zeide Joop van den Oudenhoven dat ook a wi? Een
bindmiddel tussen de verschillende dêlen van Zeeland op biljart-
gebied. 'Eêl de lange middag is t'r geen onvertoge woord gevalle.
Een verbroederingsfeest, zeker en vast.
En vanaevend onder de feêste bin d'r nog zeêen van tied om aol
de partijen deur te nemen.
As ik n van wit genomen ao...