Za'k je 's wat vertelle...?
Zeeland zonder zak van Zuud-Beveland is as een jas zonder jas-
zak. Mö je naègaè. Je gaè toch nie graag op stap zonder een zak in
je jas, is 't wè? Daè berg je waerdevolle diengen in op. En die
waerdevolle diengen vin' je ok in de zak van Zuud-Beveland.
Laète me 't noe 's vergelieke. Je portemenee neem je allicht mee.
o_ Ja, de mienen is net een juun, a je die open doet sprienge de traè-
nen in j'n ogen, mae toch... Om 't leefbaer te 'ouwen mö je zö
noe en dan je portemenee 's trokke. En dat is ok zö mie de zak
van Zuud-Beveland. Om die in stand te 'ouwen, nou dat kost ok
een paer cent.
Je kamme. A je een ènde in de sturm over den diek elöpen eit,
dan wil j'n 'aer wè 's op stuken staè en dan ku je mie je kamme
j'n eigen wee een bitje toönbaer maèke. De zak van Zuud-
Beveland ei toch ok z'n onder'oud nodig? Die mö ok toönbaer
bluuve.
Je neusdoek. Ok belangriek! Om je neuze te keiven natuurlijk,
mae ok om je bril mie op te poesen. Daènaè kan de wèreld d'r
wee 'eêl wat 'elderder uutziee. En vergeliek dat noe 's mie de
Zwaèksè Weêl! Zö netjes uut'ekelfd. Ie was zö 'elder as een belle
tje. Temissen... A
Dan is t'r in je jaszak ok nog ruumte zat yöe een rolletje sterke
peperement of een paer drukjes. Een paer^Xvant tevee drukjes dan
gaè ze op mekaare zitte plakke en dan wordt 't een smerig rot-
zootje in je zak, En daèrom motte me ^r ok voe waèke, da t'r
nie tevee 'drukjes' in de zak van Zuud-Beveland komme, wan dan
wordt 't een poepetroep, dienk t'r om!
En dan nog 's wat. Je mö natuurlijk zurge da t'r gin gat in je jas
zak zit, ee, wan dan verlies je je waerdevolle spullen. Mae ja
een gat in je jaszak ku je goed maèke. Mae dat gat in de zak van
Zuud-Beveland, ee, da's andere koek. Daè wor strakjes gewoon
een gat 'eboord. En je ei niks in te briengen as lege briefjes! 't Is
mae te 'open da me nie vee verlieze. Me motte de rest mae goed
vastouwe en bewaere. En d'r van geniete, zö vee as a de lepel geve
kan.
Noe nummer 4
