m
Maerte
Belofte-inouwend opent maerte de voorjaersriten
Veugels gaen zotziengend de klokke te lief
Niewetende wat te doen begroete ze in 't donker
een nog nie verschene zunne
'Aegel, sneeuw, wind en regen
zurge nog voor kilrillend wintergevoel
terwiel soms zonzinderende temperaturen
nóde tot een oógslutend verpöze op een butenstoel
Maerte, twufelkont, nie wetend wat te doen
bin 'k winter, bin 'k lente
Belofte van een zeumer of naesleep van de kouwe
Maerte, wat wil je noe
Noe nummer 4
Jaap Murre