Z'eêllW II: 'Noe komme de talenten méér boven
Noe nummer 5
Leen Joösse weunt op Aegtekerke in 't 'uusje daè a t'n vuuftigjaer
terug mee z'n vrouwe ingegaen is. Ze komme aollebeie uut de
West'oek, tussen Aegtekerke en Weskappel, en ze bin nog goed gezond.
Leen Joösse is van meênienge, dat er 'geen geslachten op de waereld
geleefd die zovee veranderienge gezieen 'ebbe, as ons -dus de men
sen van mien leejtied.
'Een ontzaglijk groot verschil -wè 't meêste- but;éin vroeger is 't
volgende. Nae dat iemand talenten eit, kan n ^tegenwoordig
benutte -dat was vroeger nie. Vroeger gieng datjpoeren van vaoder
op zeune en een boerezeune kon vö meêster gae^lere, wan dat
mochte de mensen zelf betaele. Maè vroeger wière 'r ook gezin
nen daèr at er kóppen zaete, maè die stienge op 't land te wieën.
En dien baos die dat zö weinig biezettens ao, die moch daè over
regere.... Maè noe is 't zó, dat er zeunen bin van een werkman,
die bin ingenieur en die baos z'n zeune, die is sjouwerman. Noe
komme de talenten méér boven as vroeger.
Zeker a je dan nog een bitje j'n eige op wou trekke, dan ao je 't
wè zwaer, vroeger. Ik kan 't wete, wan ik 't ook aoltied gepro
beerd. Vaoder ao een wienkeltje en as ik van schoóle afkwam,
moch ik boóschappen wegbrienge. Mee een kistje op de fiets, 'k
von 't verschrikkelijk. Bie den eên moch je, as t'r traenen kwaeme,
meeschreêuwe en bie een anderen moch je kunne blaffe om te
kunne verkopen. Je moch op dezelfde fluit spele as daè as je bie
kwam, ee. Maè je leer wè je mensen kenne. D'r waere aerebeiers-
vrouwen, die zoue nog gegeven van d'r aermoe. Willemien van
Kao Bakker kon maè net rondkomme, maèr as ze nog een appel
of iets kon gee, dan dee ze dat, 'oor. En d'r waere d'r, schatrieke,
daè kon nooit iets af.
Dan bin 'k vö boereknecht gegae. Ze riepe je om een uur of
vuuve en je was klaer om zeven uren, 'alf achte. As den oorlog
kwam, bin 'k gae werke waè dat ik 't kon doee: los werkman.
Iedereên lachte me uut en ze zeide: je ei in de winter niks te
doeen. Maèr ik was den eersten, want aolles 'ieuw op mee boere
knecht te spelen. Een 'eêl ienkele uutzonderieng bleef dat nog
doeen. De rest gieng zelfstandig werke, of laeter bie de
Wehrmacht en daènae in de bouw. De Duitsers gaeve méér loon
as een boer, dus dat bie den boer werke, dat gieng bie vele nae
benee. Ik leerde timmere bie de barakkenbouw vö de Wehrmacht
en naè 't waeter bin 'k bie den annemer gegae. Mee 'ard werken