Uut de verte liekent 't net een klein circuit-
je. In 't kaele land vaalt 't a van een ende
op: masten, een paer kotjes, auto's die as
rondriee, volk dat rondloopt, mannen mee
oranje rejlecterende vesten an. As ik korter-
bie komme, zien 'k dat 't voraol zo opvaalt
omdat er een 'oogte gemaekt is, daèr as de
auto's op riee -een klein terpje feitelijk.
Daè riedt een auto mee een karretje me
vöbie. Afgelaoie -'t aerme karretje zakt nae
deur z'n as, je zou benauwd weze om d'r
kort achter te rieen. Stikken steên en
puun. Die moet d'r ook naè toe. Een stik-
je verder komme 'k er eên tegen mee een
lege karre.
't Is druk in de milieustraat van de
gemeênte Veere, an de wegt van Grieps
naè Stroskerke.
Volgens 't bordje bie de ingang moe je j'n
eige kunne legitimere -daèr oort gelukkig
nooit naè gevroge. Ik bin op de fiets, dus
een riebewies kan 'k nie laete ziee.
Eerst komt er een kotje vö chemisch afval.
Daèr is 't nie druk. Een bordje mee
'asbest' - ook a geên volk te bekennen.
'Wit en bruin goed' -wat zou dat weze?-
geên belangstelling. Aol 't volk staet en
loopt op 't 'oge stik. Aa, noe zien 'k 't: daè
moe je mee j'n auto op riee en dan kan je
zö je rotzoo in containers mietere. Daè
stae je dan boven, want die staen gewoon
benee. Listig bedocht
Ik bin op de fiets en 'k nie meer afval as
een pedaalimmer, 't Deksel is gesneuveld
en vö blombak eit n nie de goeie kleur.
Waè zou die moete? 'k Lope naè de bak
mee 'ander afval'. 'Ee, dat moe bie de
metaal, 'oor!'
Da's zö'n man mee een oranje vestje.
Verrekt, ie eit geliek. Lae 'k noe aol z'n
leven gedocht dat dien pedaalimmer
van plastic was. 't Is iezder en mee een
klap komt n op de boom van de container
vp 'metalen' terechte.
J$us julder moete 'ier de mensen een
ffitje de pad wieze?'
qa, anders komt er tevee in de verkeerde
^ntainers, ee.'
De mensen laete d'r eige over 't algemeen
braaf van 'ier naè daer stiere. As t'r een
container vol is, moete de mannen belle
en oort er een aoren gebrocht.
's Zaeterdagsochends bin ze mee z'n
tweêen. Dan is 't drukste van de 'eêle
weeke.
Dien anderen komt er bie stae. 'Kiek, da's
'ier noe ook wi verkeerd weggebracht.In
z'n 'anden eit n een paer kartonne dozen.
'Dat moch bie 't metaal en in dezen zat
tuunafval.'
'Julder lope daèrom ook wat omme-de-
weer! Je 'ebbe nog geluk dat 't 'ier boven
op een bitje waoit!'
'Da's waer, maer as me 'ier begonne, in
februari en maerte, dan regende 't flienk -
en waoie. Dan was 't nie zö een pretje,
'oor!'
De mannen bin bruunverbrand. Ze 'èn
nog een goeie tied tewege, van de zeumer.
Een paer bomen om aol-an onder te zit
ten zou vor ulder daèrom nie gek weze,
dienke 'k bie m'n eige.
"Oe doen je dat noe mee dat asbest?'
'Jae, dan moete me deurverwieze naè
Middelburg.'
'Huh? D'r stae daè toch een bordje mee
'asbest' op?'
'Jazeker, maè die container is t'r nog nie.
Officieel kunne de mensen 'ier asbest
brienge, maè ze moete dan toch naè Stad.