Die za wè een keer komme, die container,
maè wanneer...'
'Ore de mensen noe nie 's moeilijk op jul-
der?'
'Dat vaalt 'ier wè mee. Ik staen ook wè is
in Reimerswaal. Daer bin d'r die kwaed
ore as ze een kwartier moete stae. Dat
kom wè is voor, as 't druk is. En dan toe-
tere ze en gaen ze jachte. Das vor ons dan
wi meer werk achteraf. Op Walcheren bin
ze wat gemoedelijker. Neê, da gae best,
'oor.'
D'r oor verteld da je bie de milieustraat
zövee bekende ziet.
En ja zeg: daer ei je Izak de Breê - mee
Izak 'k twintig jaer terug nog gewerkt.
Kiek, daè stae de vroegere burgemeester,
Hietkamp, snoei'out te lossen.
En wien komt daer net an? Dat za toch
Puupe nie weze?
Zöwaer, 't is net Jan Puupe. Zeker vuuf
jaer nie geziee. Ie ei een ander stamcafé
noe, dan krieg je dat.
As 'k bie z'n komme, eit n de achterklep-
pe van z'n koetsje open. Zakken mee
'aegeknipsel toet op de achterbank. Dat
moe bie 't tuunafval. De rest bin zakken
mee gewone troep.
'Die container', wiest de man van de
gemeênte.
Saemen lope me 'r naè toe. De container
is een ende vol- 'ier en daer bin nog een
paer gaeten tussen de rotzoo. 'Was jie
goed in basketballen?' Jan mikt een paer
zakken op een plekke daè as nog ruumte
is. 'Maè den dezen zak is goed wegsteke.'
Puupe klautert op de container en terwie-
Ie at n een vuulniszak diepe tussen andere
troep frommelt, leit n uut: 'Daè zit aol
piepschuum in. Van een nieuwen tv. As
de wind daè vat op kriegt as ze zömit mee
die container riee, dan leit 't over 'alf
Walcher...'
As ik op de fie&s stappe om weg te rieen,
komt er een -vrachtauto an. De man van
de gemeênte ifr t'r a bie. 'Ik bin ook maè
gestierd...', 'o£re 'k de chauffeur zeie.
Spullen die over bin van 't opaelen van
oud papier vö de zending. Geên echt
papier, maè geplastificeerd en zö. 'Dat in
Noe nummer5
die container. Ditte ginter. En dat...'
De anwieziengen van de mannen van de
gemeênte gaen op in 't geroezemoes van
de twintig, dertig man volk op de milieu
straat as ik weg fletse. De stemming is
opperbest en 'k geloove graog dat er men
sen bin die d'r van te voren a zinnen in
om wir is wat troep weg te briengen.
'Even naè de milieustraat' -en dan zeit
ulder vrouwe: 'As je maè nie te lang bluuf
kletsen!' Feitelijk zou d'r is eên een koffie-
tentje moete zette, of een café beginne.
Dat zou dan wè 's lope, zeker!
O Zwemer, je bin te vee in gedachten.
Ze rieen donders 'ard op de wegt tussen
Seros en Griepskerke. Je moe nie veronge-
lukke. En toch zeker nie as je even een
pedaalimmer naè de milieustraat bin gae
brienge.
