Z'eêllW III: 'Van de weeke Kama nog gezien'
Noe nummer 5
Jan van Broekhoven is 'alfde dertig en
weunt in Zuudzande. Ie is vurmgever en
werkt b'aolve vo z'n baos ook vo z'n eigen. Ie
verzurgt de vurmgevieng van Noe.
'Van al m'n broers en zusn, weunt er nog
maor eêne 'ier in Zeêuws-Vlaondern. De
rest zit al in 'Olland. Zelf èn 'k ook 'eêl
lang buutn de provincie geweund. Overal
en nergenst, za 'k mao zegn. In Eindoovn
èn 'k 't graofisch lyceum gedaon. Dao
weundn ik dan ook. En in Amsterdam èn
'k ook nog een tiedje gezeetn. Wa moen
'k er verder over zegn? Ik zien terug-
gekomn. De zeêe trekt, ee.
Die zeêe is vo mien 't schoonste van
Zeêland. Die ruumte, ee. Dao kan 'k in
m'n werk ook wat mee. A je nao zó'n Noe
kiekt ook. Op 't eêste gezicht zie je 't mis-
schiens nie zö, mao as je 'm openvouwt en
je ziet de lijntjes boovn en opziee, das al
horizon, ee. Das Zeêland: ruumtelijk,
uutgestrekt.
Mao 't zien geên diengn waor a je bewust
mee bezig ziet. Da zit er onbewust in. Je
groeit er mee op, ee, mee de kust. Dat
neem je toch automaotisch mee. Bie vee
andere vurmgevers zien 'k nie vee eigns.
Geên eign inbrieng. Je kiekt altied nao
wa^t andern doen, nao wat a t'r in 't
bujitnland gebeurt, vanzèlf. Je neemt
diengn over. Mao daobie is 't juust zó
bpangriek da je d'r j'n eign dieng mee
d§,et. Ik probeer dat ook altied, mao of a
'mukt, weet ik nie.
In Zeêland zie je da toch te weinig, eign
inbreng. Op allerlei gebiedn. Mao juust
'ier in West-Zeêuws-Vlaondern loópn best
vee onafhankelijke mensn rond. Das mis-
schiens een bitje Belgs: een bitje minder
da groepsdiern-idee. D'r zitn 'ier wa meêr
individualism, ee. Ert in Belgn, dao
gebeurn diengn, ee. Dao zit op 't moment
cultureel gezien vee leevn in. 'Ier in de
streek zie je an kleine diengetjes da je d'r
dichte bie zit. Soms letterlijk: 'k èn van de
weeke Kamagurka nog gezien. Ie was an 't
wienkeln in Sluus.
Werkn an Noe is vo mien best een uut-
daogieng. Dialect is toch iets waor a vee
mensn allerlei raore nostalgische gevoelens
bie èn. Da zegt mien niks. Dialect ei z'n
eign in 't daogelijks leevn angepast an 't
'eedn. 't Is juust in de toepassieng van dia
lect, schrievn, muziek en zó, dat dat nog
nie gelukt is. Wudder doen mee Noe ons
best. Da sommigen ons misschiens as een
bedreiging zien, is juust goed. 't 'Elpt om
ons eign te profileern. Alleên vo mensn
die twufeln is 't jammer da me soms kri
tiek kriegn. Die kriegn misschiens een
verkeêrd beêld van ons.'
