Z'eêuw IV: 'Op een dag kan t't ineêns'
Noe nummer 5
Jolijn Reinhoudt is zesentwintig jaer, kom
van 's 'Eêrenoek en weun saemen mee d'r
vriend op Wulleminadurp. Ze zoue 't liefit
op een durp bluve weune, mae ze 'ebbe toch
net een 'uus gekocht in Goes. Jolijn doe iets
ingewikkelds mee marketing bie Zekatel
Multicommunicatie bv.
'Ik zit in de datacom, telecom en multi
media. In die sector gaè de ontwikkelien-
gen echt 'eêl 'ard. En van aolle nieuwig-
eden wor je ok 'eêl gauw verwend, 'k E
sinds twee jaer internet, sinds kort via de
kabel, 't nieuwste en snelste dat a t'r is. Ik
kan 't a nie meêr misse. Sinds vorige
weeke 'k een tv-decoder. Von 'k aoltied
gróten onzin; ik keek nooit gin tv. Mae
die staèt er en 'k geloof ok nie a 'k n de
deure nog uut doee.
M'n vaoder is Zeêuws troubadour. Das
best een grappige tegenstellieng. Diengen
as mobiele tillefoöns vindt n bevobbeld
gróten onzin. Een stuitje elee zat ik in een
'êle dieren auto van de zaak voe de deure
bie z'n te bellen. Ik vroeg of a 'k langs
kon komme voe een kopje koffie. Je ao
z'n gezicht motte ziee, toen a 'k mie m'n
gsm'etje gliek voe de deure stoeng.
Aolles gaèt ok zö snel, ee. As um drie
maènden naèda 'k mie een project bezig
was, d'r naè vraègt, bin 'k er a lank a nie
meêr mie bezig. E ze wee a wat nieuws
evonden. Mae 'k mo zegge, ie is aoltied
wè stik-nieuwsgierig.
En andersom 'k ok aoltied vee belang-
stellieng voe zien 'vakgebied' ehaod. 'k E
d'r zelf ok vee an ehaod. Ik weete nie
aljeên meêr over m'n eigen streek, m'n
eigen cultuur as de meêsten van mien
Jêeftied, 'k kan d'r ok wat mee en ik d'r
«speet voe ekrege.
Misschien a 't ok een bitje vanwege die
Sfchtergrond is dak naè m'n studie in
Eindoven en m'n stage in Haarlem wi
terug kwam naè Zeêland. Ik wou aoltied
zö graag de provincie uut, mae ik
misten 't. De gezelligeid, 't gemoedelijke,
't makkelijke van de mensen. Je stapt 'ier
zömae 's binnen bie mensen omda je daè
zin in eit en je bin gewoon welkom. Dat
was ginter nie. Ofspraèken maèke, agen
da's d'r bie. Neêe, ik bin bliee da 'k terug
bin.
Zeker noe a 'k in een sector werk, die a 'k
zelf stik-interessant vind. A begriep ik wè
waerom sommige, voraol ouwere mensen
d'r eigen een bitje ofzette tegen aol die
nieuwigeden. Mae ik doe wè aoltied 'ard
m'n best om ze d'r van te overtugen a die
nieuwigeden ok voe ulder interessant
kunne weze. A je vaolt en je kom nie mi
goed overende, roep je in 't stopcontact en
binnen tien minuten staèt er iemand. Je
kan e-mailtjes stiere naè femielje in
Canada, mie foto's en aolles d'r op en d'r
an. 't Kan d'r ok voe ouwere mensen een
stik leuker op worre. Je mot er alleên wè
voe openstaè. A je d'r voe openstaèt, zie je
dat diengen waer a je nooit van edocht
ao, a die zoue kunne, wè blieke te kun
nen. Op een dag kan dat ineêns. Mooi,
