De tillefon
Marjan Roelse
'De tillefon', noem ik dit veraaltje. Mae, 't gae eigenlijk meer over
aollerande verschiensels rondomme dat toestel. Een fantastische
en onmisbaere uutvindienge 'oor, een tillefon, lae 'k daè dudelijk
over wizze. Maè aol dat Hi- en buzzer-gedoe en dat gebel op
straete, vinde 'k een bitje belachelijk.
Nim noe een gsm. Oorspronkelijk bedoeld vö mensen die atte vö
d'r werk moete belle terwiel a ze in een auto, een bouwpit of wat
vö plekke dan ook zitte daè a geen gewone tillefon is. Vö 't werk
is zö'n dienk een groot gemak.
Mae wat is t'r noe gaende? Een paer Vutters die a een rondje an 't
fietsen bin - ze belle naè d'r dochter om te vraegen of Esmee goed
eslaepen ei vannacht. Een knul in de bus om een uur of vuuve,
dien a naèr 'uus belt om te vraegen wat of er streks op z'n bord
leit. Een stel grut op straete die a naè ander grut belle om te vrae
gen of ze mee gae. Mensen belle vanuut den 'of, vanuut de klasse,
vanuut de trein en vanof overaol.
Toen a dat gedoe pas in was, dochte 'k dikkels dat er iemand wat
an me vroeg in een wienkel of op straete. Mae a je dan goed keek,
liepe ze in zö'n dieng te lullen. De eerste keer da 'k 't woord gsm
'oorde, was op 't afscheidsfeêste van de gemeênte. De burgemee
ster kreeg een gsm kado omdat n an bergbeklimmen dee. Ik Jj
docht, das zeker een kompas, mae 't was een mobiele tillefon'K
KPN-Telecom probeert in een folder 't nut van een gsm an ter:
tonen mee de volgende tekst: 'Onderweg van m'n werk bel ikj?
altijd mijn vriend. Dan spreken we iets leuks af voor 's avonds.
Handig hoor, zo'n mobiele telefoon.'
Dan ei je dé uutvindienge van 1998, de Voice Mail. Machtig, wat
bin me daè mee voruut egae! In feite is 't een soort antwoordap
paraat en dat bestoeng a zö lange, mae Voice Mail is gratis en aol-
les dat a gratis is, 'oor noe eênmael massaal anevroge - of 't noe
nodig is of nie.
Op Waschappel is 't ook a 'eêl gewoon. Je draoit een nummer en
dan 'oor je: 'Dit is de Voice Mail van Ploöne Lous. Spreek een
bericht in na de toon.' Nou, en dan ken je vraege of ze weet vö
wien a die ziekenauto was, dien a net deur de Zuustraete ree. A
Ploöne dan tuus komt, draoit ze 't Voice Mail-nummer en dan
'oort ze 'oevee berichten of er vö d'r bin. As ze dan een een
indrukt, ore de inesproke berichten ofespeeld en ken ze veromme
gae belle.
De mogelijkheden van Voice Mail bin geweldig, volgens een fol
dertje. A je bevoorbeeld op vakantie gaet dan 'oef je toch geên til-
lefontje te missen, wan Voice Mail bewaert drie weken lang een
maximum van twintig berichten. Je moet er toch nie an dienke
da je nae je vakansie dat aol moe gae beluustere en beantwoorde.
Mae daè ei KPN-Telecom ook wat op bedocht, wan je ken vanof
je vakantieadres mee je pincode via-via ook je Voice Mail beluus
tere.
Een kadotip van KPN is de Voice Mail melder. A je dan tuus-
komt, kè je an een knipperend lampje op dat apparaatje ziee of je
ebeld bin. Varder is er nog de mogelijkheid van een wisselgesprek.
A je dan telefonisch in gesprek bin, kè je dat tweêde tillefontje
automatisch laete deurschakele a je uutepraot bin en zö 'oef je
werkelijk niks te missen.
Een stuitje elee stoeng er in de PZC een bericht over wi wat
nieuws, 't Zweedse concern Ericsson brieng binnenkort speciaal
vö kleine guus een mobiele tillefoön op de mart. 't Toestel is
geschikt vö guus vanof drie jaer en ken an goed of an speelgoed
