N o
Tartaarsause
Me doee nog een rondje over't durp.
Nog aoltied nie vee te beleven, 't Za dus
wè gae, daer op die kermesse in 'Eist. 't
Kleine durpswienkeltje is open. Me
kópe een potje tartaarsause. De bazinne
neemt 'eur werk serieus op. D'r bin
naebie gin klanten, maer ze ei nie vee
zinnen in een gesprek. D'r moe gewerkt ore, ook op zondag.-f
Terug nae 't café dan mae. Gaby vertelt verder, bliee mee 'eunf
tweê énigste klanten. Z'ei mee de ouwetjes van Westkapelle,
gemeênte 'Eist, wè r 's in 't Walcherse Westkappel geweest.
Zömae, vanwege de naeme. 'Ge èt er van die gróte kanons, ee, op
den diek'.
Achter ons taefeltje 'ang een kasse
mee schuufjes. 'Spaarclub Nu of
Nooit', staet er op. 'Das een maon-
delijkse spaorclub', weet Gaby. 'Ge
spaort wat a ge kwiet kan en op 't
ende van 't jaore is t'r een soupé.'
Amperan den 'elt van de veertig
schuufjes is in gebruuk. De naemen
van de spaerders stae d'r keurig op.
Fille spaert ook mee.
De tillefoön gaet. 't Is fermielje mee
een café in 'Eist: 'Neêe, ik zitte
zelvn tendn. Ik èn nog wè een bak
of viere Hoegaarden.' De collega-
café'ouwer ei gin belangstellieng. Ie
za een ander fermieljelid moete
belle om an z'n gerief te kommen.
Zö'n kermesse maekt dostig.
D'r komt een man binnen. Ie is op
de kermesse geweest en ei vernome
wien a de nieuwe burgemeêster is.
't Is een vrouwe, Linda Slabinck.
'Met de vrouw naar 2000', staet op
'eur affiche die naest 't bord van
Krachtbal Ramskapelle 'angt.
Blauwen en brunen
't Oor drukker. De onderdeure zwaoit weer a open. 'Dag Camil.
Stella'tsjen zeker?'. Camil 'apt in 't schuum en neemt z'n vaste
plekje in, tegenan de spaerkasse. Ie za te vertrouwen zien. De tv
gaet an vo de verkieziengsuutslag. Vee is t'r nog nie te zien, mae
d'r is weer een onderwerp om over te praoten vo de stamgasten.
stikje zelfstandigeid en een burgemeê
ster. In aolle vier de durpen van 'Eist
kieze ze die mee de kermesse. In 'Eist is
't noe kermesse, dus die van 'Eist bin
vandaege an de beurte om te kiezen.
In Ramskapelle is 't pas over een week
of tweêe 'kermesse-mee-verkieziengen'.
In 't café 'ange de naemen van de
kandidaot-burgemeêsters op: Fille (die
eigenlijk Rudy Catysse 'eêt), André
Braems en Gerard de Vlieghe. Gerard is
misschien nog wè 't actiefst van aol. D'r
'ange zelfgemaekte posters van z'n in 't
café en ook verderop in 't durp ka je in
gróte, 'andgeschreve krulletters leze:
'Een voorvechter van in de wiege, stem
voor Gerard de Vlieghe'.