Z'eêuw V: 'De énige 'oefsmid op Thole'
vraeggesprek en foto Arie de Viet
Noe numme
Joey Moerland is eenentwintig en kom van
Staevenisse. Ie leêr vo 'oef mid, 't zelfde
beroep as zn overgrótevaoder en z'n
oudooms. De appel vromme bie den boom.
- *^.vï
'Ik was mee 't motercrossen een bitje an 't
ende van m'n Latijn. Ik zat vrie 'oöge in
de juniorklasse 125 cc. 't Gieng steeds
'arder. Een vriend van me viel en ao een
zwaere dwaslesie. Ik gieng er meer over
naedienke: a ik ok zö 'ard riee en ik valle,
dan kan ik dit of dat breke. 'k E d'r
geweun een punt achter gezet en bin
paerd gaen riee. Zelf ao 'k m'n kniee a
verdraoid en een botje in m'n 'and gebro-
ke bie den indoor in Goes. Dae 'k nog
wè last van a 'k de paeren beslae. Mee m'n
êne 'and kan 'k nie aolles doen.
Ik d'r toen ok vö gekoze om een echt
vak te leren. Ik wèrke noe nog bie m'n
vaoder in 't kokkelbedrief Moerland in
Smerdiek. Op 'n dag kwam 't zomae te
praeten. In de kantine. Dat 'r steeds meêr
paeren en poniejl op 't eiland komme en
dat 't best wè een goeie business zou weze
om paerden te geslaen. 't Zit ok nog in de
femielje. M'n ö?vergroötvaoder Arjaon
Gebraad en m'j$! oudooms Barend
Gebraad in Staevenisse en Piet Potter in
Smerdiek waere ok 'oefsmid.
Ik nie zo vee schoole g'ad. Nae den
Technischen in Smerdiek bin 'k nae de
MTS gegaen in Berge, een korte oplei-
dieng in de metaeltechniek. Ik wil noe
graeg zelf iets opbouwe, mae ik bin nie 't
type da bie een baes wil wèrke. Elke
weeke gae 'k een dag nae Deurne om 't
vak te leren, 't Is een 'êle goeie schoole.
Eên keer in de weeke loop ik stage bie een
'oefsmid in Woensdrecht. Dae leêr ik de
kneepjes van 't vak. We gaen nae de klan
ten toe om de paeren te beslaen. An 'uus.
Das wel anders as vroeger toen de boeren
mee de paeren naar de smisse gonge. 'Ier
in Staevenisse is 't leste paerd ruum twin
tig jaer geleëe besloge, bie Kees
Marinissen. Tegenwoordig bin m'n
mobiel. Mee een busje gaen we nae de
ménsen toe. We gebruke een klein oventje
op Butagas. Da's zö op temperatuur. Dae
gooi je zö de 'oefiezders in. We lêre ok
nog zelf iezders maeke, mae die at ons
gebruke komme aollemael' uut de fabriek.
Je kan ze in aolle maeten köpe. Nog een
maendje dan bin 'k klaer.
Dan bin 'k 22 en de énige 'oefsmid op
Thole. Da's wè leuk, vind 'k.'