Z'eêuw VI: 'M'n fantasie laèten gaèn'
7
Noe nummer 5
Marijke van luiaarden is zeventiene en ze weun in Kloetienge. Ze is
gestopt mee schoole en werkt via 't leêrliengstelsel in een blomme-
wienkel in Goes.
'Toen a 'k zestiene was, kwam ik van de groene schoole of mie
een diploma. Voe een vervolgopleidieng goeng 'k naè Breda, dat
was een dagopleidieng op't AOC West-Brabant. Dat was eiken
dag een Bathse reize, drie uren reistied per dag was 'k kwiet.'k Ao
een berg vakken, waeronder theorie en praktijk van blomschik-
ken. Daerom dee ik een dag in de weeke praktijk bie een blom-
mewienkel. Dat was vee beter as op schoole te zitten, dust toen a
'k de kans kreeg om dae een 'êle weke te kommen, 'k da geliek
edaèn. Ik bin opstops in Breda van schoole egaèn en inestroómd
in 't leerliengstelsel.
Noe mo'k nog maè een dag in de weke nae schoole en da beval
me beter. Alle vakken èn noe direkt te maèken bie 't blomschik-
ken. Dae zit ok kunstgeschiedenis bie over de verschillende bouw
stijlen en zö, a je bevobbeld gin modern blomstik in een klassiek
interieur mö zetten. j.
't Werk in de blommewienkel beval eêl goed. Dejbaes en baezinne
bin eêl aardig en 'k leuke collega's. In 't werk tón 'k m'n fantasie
laèten gaèn en 'k wor ok 'eêl vrie elaèten in 't rrpeken van de
blomstikken, boeketten, bruidswerk, rouwwerk én zö vadder.
Soms mo j' ok plantebakjes vullen of d'r kom e^n klant mie iets,
daer a wat in mot.
In m'n vrieën tied mag 'k graag uutgaèn, maè naè twaelf uren
kom 'k nie mi op de Goese mart. Vee te gevaerlijk. Paerdrieën
doen 'k ok. 'k E een eigen paeretje, een Welsh pony. Z'eêt
Floortje en ze is zeventiene, net as ik. Eiken dag mo 'k hosselen,
kammen, 'oefjes uutkrauwen en rieën.
Elke weeke gaè 'k naè 't zwembad. Aquarobic doen 'k daè.
Gewoon gymestie in 't waèter, mie gewichten en zö. Toet an je
naèvel in 't waèter, das zwaer 'öo. Goed voe je conditie, 's
Zondags doen 'k nog a 's oppassen in de creche van de kerke. Ik
zit ok in de Jeugdraèd, dan doen me bie mekaare jeugddiensten
voorbereien. Tuuswachten doen 'k ok graag en dikkels, meêstal
bie dezelfde gezinnen. Das een leuke bieverdienste.'
