'n Bitje stimuleern
Tweê coureursveraoln uut Zeêuws-Vlaondern
Jan Bruens
i.
'k Was vuuftien jaorn toen ik begon mee wielrenn bie de aspi-
rantn. Dao wier niks anders gebruukt as boerenbrood mee een
schelletje 'espe. D'r wiern geên middels gebruukt bie d'aspirantn
of nieuweliengn. As amateur begin je mee vitamines te werkn.
Das 't énigste eigenlijk. Mee andere renners wier d'r wel is over
doping gepraot, zó van: dit is dit en dat is dat. 't Is meêr van je èt
de klok 'oórn luuen, mao gin mens weet waor a de klepel 'angt.
En je weet ook nie 'oe an 't spul te geraokn.
Waorom da spul pakn? 't Is nie vo 't geld of zó. 't Is meêr compen-
saotie vo nie goe mee te kunn of een gebrek an training te com-
penseêrn. A je een keêr minder goed gereen ao, nam je wel is van
V11
die 'artjes of van die roóie of groene toestandn. En ook wel a je
geên tied g'ad ao vo te trainn. Achteraf gezien 'êle simpele
diengn. Je wier d'r aleên mao zenuwachtig van.
Toen 'k vo de tweêde keer begost te fietsn bie d'amateurs èn 'k
vee spul gebruukt. Dat 'ouw je toch. Om nao een redelijke trai
ning toch da bitje meêr te kunn geevn. Om makkelijker mee te
kunn en pries te rieen. Om mao van voorn te kunn zitn. Maor 'n
topper zou 'k toch nooit nie meêr geworn zien. Da goeng lang
van z'n leevn nie. Je pakt vo da klêne bitje meêr te kunn geevn.
En da doet 't.
Ik paktn Captagon en Dexidrine was d'r ok al. 't Was toen a nie
meêr bie den apotheek te kriegn. Je most die spuln van eên van
de renners zien te kriegn. Je most eevn weetn van 'oe of wa. Tusn
de mann onder malkander wier da geregeld.
't Was in de jaorn zeventig dan wier der ok mee 'ormoonn geëx-
perimenteêrd. Da kwam van de dokters en d'r waorn joengens die
an da spul begonn. 't Mostn nie eêns coureurs zien die da spul
van de dokter aodn, mao gewoon van een ander iemand die da
voogeschreevn kreeg vo spierversterking of tegen vermoeideid. 't
Goeng via,via.
'k Za je een keêr een ander veraol verteln. 'k Was ergenst in de
Waoln op vakance. Mee de tente en 't 'êle gezin d'r bie. D'r waorn
mensen die 'aodn ook koersfietsen mee en daomee raoknde ik in
contact. Dao goeng ik ook mee fietsn. D'r zat een 'êle ouwe
beroepsrenner bie, nao de zeventig liep die toen a. Iedern dag
drogeerdn ie z'n eign. Ie zag zó grauw as een padde. 'k Zien wè