nummer 6
't koud onder de douche.
't Wier rap erger, vanzèlf, en dan dienk je: 'Vandaoge red ik het
wè mee een 'alf bolletje of zó'. Mao a puntje bie paoltje kom, was
da bolleke om kwart over twaolf al op. Mao om kwart over eêne
wou je weera rookn en je wil ook 's aovonds nog te rookn 'èn. En
je wil 's nachts a je wakker wor, misschiens wè ziek, ook nog wat
'èn.
En da geouwehoer van mensn die om dit en da an de deure
kwaomn. Een 'oöp gezever an je kop, vanzelf. Ruzies over dope.
'O, geef je me da nie?'. In 't begin was 'k natuurlijk redelijk onaf
hankelijk omdan 'k die XTC-piln verkocht.
Waorom of da misgeloópn is, da verkoöpn van die piln? A je
tweê'onderd piek per dag verdient an die piln mao je gebruukt
zelf vo 300 guldn an die andere rommel, dan gao je op een be-
paold moment achterloópn vanzèlf. Dan gao je geld versiern op
een andere manier.
Een maot van me aod een keêr ingebrookn in een tandprothe-
tisch laboratorium. Daor 'ad ie allerlei tandartsspuin, potjes en
doosjes mee van alles gestooln. Toen zien we adresn gaon zoekn
en 'èn me alles an een groótandel in Amsterdam verkocht.
Gekleêd as vertegenwoordigers, goed in 't pak, stropdas en al,
mao wè 'êlemaole op 't wit, cocaïne, en op 't bruun, heroïne, dao
nao toe. Me vertrokn om tien uurn 's morgens en 's middegs om
vuuf uurn waom wudder wee tuus. Me 'aon een flienke reis mee
trein en b\is g'ad en mee z'n tweêën dien dag 2300 guldn ver
diend. Drie daogn laoter 'aon m'n allebei geen cent nie meêr.
'Elemaole suf gerookt, 't Grootste gedeelte van 't geld is opgegaon
an crack. Ik kocht in eêne keêr vo drie'ondefa piek basecoke en
da was binn drie uur op. 'I
Laoter je deur dao je zó'n puupe mee baseeoke 'êlemaole kon
leegrookn in plekke van dat er nog een bitje in achterbleef. Dan
schroefde je d'r een verlengstikje op. Dao gieng je mee nao 't gas-
fornuus en kon 't boven 't vier oprookn. Dao kreeg je zó'n
verschrikkelijken 'flash' van, da wil je nie weetn.
Mao dan most ik natuurlik nog wè bruun èn om wee tot m'n
eign te komn. Ingewikkeld ee, zó'n verslaoving. En d'r kwam nog
meêr bie kiekn ook. Ik sliktn ook nog Valium, Seresta en nog wa
meêr van dien troep. Ook gebruuktn ik Tranxene, vuuftig milli
gram. Da zien de zwaorste. Die worn in de psychiatrie gebruukt.
'k Wou da 'k zó snel an geld kon geraokn as an tranquillizers van
den docteur. Rustgevende middels. Ik voeldn m'n eign best lekker
mee al die piln. Dao wier je lekker suf van. Hi hi. Lekker down. 't
Was een vervanger van heroïne natuurlijk, om te kunn slaopn. Je
kost goe ziek worn a je geên heroine ao. Da was zó verschrikke
lijk. Ik zien op Nieuwjaorsdag zó ziek gewist, da was nie normaol
meêr. 'k Ao geên geld meêr, 'k kon geên geld meêr kriegn, d'r was
gin dope meêr en 't zat eran te komn da 'k m'n 'uus kwiet-
raoknde.
Ik zien 'eêl 'eftig mee bruun en wit begonn nao de wèreldkam-
pioenschapn voetbal. Begin '98 'aon 'k ook al een keêr gebruukt.
Toen bin 'k nao vier of vuuf weekn gestopt. Mao in juni kwam ik
een gast teegn en dao kon 'k verschrikkelik goed mee opschietn.
Mao die gebruukte. 'k 'Aon m'n eign vogenoomn gin heroïne
meêr te rookn. Mao die gast ao wè deur da 'k 'm wè mocht en die
ao ook wè deur da 'k geld ao deur dien XTC-'andel. Die gast
stoeng eiken dag vo mien deure. Die zei altijd: 'Kap d'r noe 's
mee'. Mao die kwam natuurlik gewoon om bruun te rookn. En
ik mao eiken dag bruun besteln. Dat is 'êlemaol een eign leevn
gaon leidn.
Da besteln was ook wè leutig. As ik belde, wier de heroine an de
deure afgeleverd. En as d'r eêne nie wou komn dan beldn 'k
geweun een andern. 'Die is toch sneller dan gie, de mazzel, ee'.
Ha ha, zo goeng da.
Die joengers kwaomn mee scooters, motors, auto's, alles. D'r was
