A,
ook een dealer bie, een Marojckaonse gast. Een 'êle gladjanus,
eigenlijk, mao verder aordig 'oor. Die nam je echt nie in de mao-
ling. 't Was wè goeie 'andel wat at ie an je gaf.
'Oevee of dat allemaol gekost 'èt? Da wi je nie geloóvn: duzend
guldn in de weeke en nog Ve meer ook af en toe. In 't begin kon
ik da nog wè pasn mee de verkoop van coke en piln. Per dag ver
kocht ik in augustus en september wè tien gram coke. Das vee
'oor! Daovan verdween vuufonderd guldn in m'n eign zak. Alles
goeng op. Investeern in nieuwe ankoopn dee ik nie. Op een be-
paold moment kwam ik zwaor tekort.
De cokeverkoöp begon te vermindern, want een 'êleboel gasten
uut m n omgevieng wouen ook allemaole gaon gaon stopn. Dan
gao j' ook minder op stap en daorom wiern d'r ook minder piln
verkocht en mien geld smolt as sneêuw vo de zunne. Rekeniengen
wiern nie meer betaold. 'k Kwam chronisch vuufonderd guldn of
meêr te kort. M'n schuld liep in een paor maonden op toet bie-
nao vuuftienduzend guldn. Deurwaaorders an de deure vanzèlf,
diepe ellende.
Te verre deurgedreevn mee dien rommel, 't Was eigenlijk mao een
'êle korte periode van mien leevn. 't Is iets wat m'n altied
tegengestaon. Die 'bruun' 'oef 'k nie meêr, mao geêstelijk wil ik
nog wè een basepuupje. Da wil 'k wè neemn, mao da doen 'k nie.
Ik wil t wè. Mao stel je noe een keêr vo da'k weer van voor af an
gao beginn, dan is 't ende zoek.
Toch zien 'k altied vrolijk gebleevn. De zielepiet uutangn zat er
nie in. Ook nie binst an 'k an 't afkickn was. Altied doch ik: 'Noe
gaot 't wè slecht mee mien, maor over een paor maondn gaot 't
vast beter.'
Sinds ik in februari afgekickt zien, èn 'k eên keêr bruun gerookt,
k Zien verschrikkelijk high gewist, mao danao verschrikkelijk
ziek. Da was nie al te denderend. Een paor maondn geleejn
smoordn ik een puupje crack-cocaine. Da beviel 'êlemaole nie. Ik
liep over van schuldgevoel. Snuuvn doen 'k ook nie meêr. Dao zie
'k ook gin heil nie meêr in.
Een goeie raod: a je van de stuif af wil, moe je nooit nao de 'ulp-
verlênieng gaon. Da moe je zeivers doen. Misschien mee een bitje
'ulpe van den omgevieng of van famielje, mao meêr nie. Wan 't is
zó geleegn: de 'ulpverlênieng bluuf je altied as een verslaofde
be'andeln. En das juust wat an ze nie zouen moetn doen.
Noe gaot 't wè wee goed mee m'n. 'k Zien terug an 't werk.
Alleên 'èn 'k zó noe en dan een butensporig drankgebruuk. Mao
da zal 'k ook nog wè trug kunn draoin. In 't jaor 2000 wil 'k
'eêmao clean zien.
5 -■
i
Noe numme