In't Biebelboek Openbaeriengen, in't acht
tiende kapittel, staet een beschrievienge van
de grootste macht uut de menselijke geschie
denis, die bluve za toet 't leste, om dan te
vallen een onmetelijke diepte.
Die macht is de macht van 't gróte geld.
(vers 2b) Neergegae, neergegae is de gróte
plekke Babyion en g'oore is 't een verbluuf
vö de duvels een plekke vö aolle minne
geêsten om te 'oekeren, en een voorraed-
kaemer van elk liederlijk en weraekt
gebroed.
(vers 3) Omreden aol de volken gedroenke
'ebbe van de wien uut 't braeksel van 'eur
'oerespel en de koniengen van de
wereld bin bie 'eur gekrope vö smerig'eid
en de zakenlui van de wereld bin toet
riekdon^ gekomme bie de gratie van 'eur
uutpulende begeerlijk'eid.
(vers 5) Want 'eur zonden bin opgestae-
peld toet bie den 'emel, en God eit 'eur
onrechtvaerdig'eden in anmerkieng
genome.
(vers 7b) Want in d'r 'arte zei ze: Mien
troon is t'r eên van een köneginne, wedu
we raeke 'k nooit en 'k za geen rouwe
beleve.
(vers 8) Daerom zu'n 'eur plaegen op eên
en den zelfden dag komme: dood en
rouwe en 'oenger en mee vier za ze ver
brand 'oore, want sterk is den 'Eere God
die 'eur oordeelt.
(vers 9) En de koniengen van de wereld,
die bie 'eur gekrope bin vö smerig'eid en
riekelijk van 'eur genoten zu'n over 'eur
schreêuwe en jammere as ze naè de rook
van 'eur branden kieke.
(vers 10) van een ènde van 'eur vandaen,
vreêzende zükken martelieng, uutbrien-
gende: Ellende, ellende, die gróte stad
Babyion, zö een bolwerk van macht, want
in tieds van eên uure is 'eur oordeêl
gekomme.
(vers 11) En de zakenlui van de wereld
zu'n juule en in de rouwe gae vor 'eur,
omdat geên mens ulder producten ml
koopt:
(vers 12) ulder producten van goud en zil
ver, van edelstênen en paerels, de leste
mode, bont, ziede en fluweêl; tegels in
duzend tinten, luxe opschikjes, uutstuuk-
sels en speeltuug in tropische 'outsoorten,
van 'oogwaerdige metaalverbindiengen,
van kunststof en in natuursteên
(vers 13) en amandel en parfums en sham
poo, aolles vor een zoete mond en een
mooi lief, wien en oesters en vleis - de
produkten van 't land, aol dat een koe,
een merrie, een moederdier voortbriengt,
waegens en jachten, aol dat een mens een
ander laet wille en lichaemen en zielen
van mensen....
(vertaeld in 't Walchers deur Jan Zwemer; alleêne bin
vers 12 en 13 angepast an onze tied)
