Den 'oepel
E
Koninklijke Schelde Groep BV
a>
rt
CL
Mee de Paosn is 't kèrmesse in de Groe
Saomn mie m'n vaoder en moeder giengn me dao nao toe. 't
Was 'n mooi voorjaor, dao stoengn a katjes en a je goed kon
zoekn von je a Maertse viooltjes. Me giengn te voete, 't was 'n 'alf
uurtje loópn.
Van m'n opoe aon 'k kèrmesgeld g'ad. In toen 'k mee touwtje
trekn een 'oepel won, was ik den 'emel te rieke. Zoiets moois aon
'k nog nooit g'ad. Mie den oepel onder m'n aerm giengn me wee
trug naor 'uus.
'k Vergeet 't nooit; 't was een gele 'oute band, daoran 'n rood
geverfd 'andvat, dao zaotn wè tien speêkn in, en daoran
blienknde kraoln in riengetjes.
Mee mooi weer mocht ik buutn speeln, boven op den diek.
Dien diek, dao was 'n karrespoor van grind in. In't midn
groeidn ji'r gos. Dao stoengn een paor aerbeiersuusjes, verder
was alles rondom boereland.
't Was druk die zaoterdag; de boem wouwn alles in de grond 'èn.
Overal wao a je kiekn kon, waorn ze bezig. Van verre 'oórnde ik
ze a k^mn: 'n boereknecht mee 'n driewielskarre mie twi grote
Zeêuwse paerdn d'r voo. De paerdn liepn f ard, 'eêl 'ard. De grond
onder m'n voetn daoverde mee. En as de jjveêrlicht liet ik m'n
'oepel valn en rendn nao beneen, den diep af.
Die knecht die ao 't nie zó op kinders. l^dao 't was goe weer en
die ieuw z'n paerdn 'n bitje in. Die zag dien 'oepel ook lign. 'Pak
't 'm mao', riept ie nog. Mao ik durfdn nie in de buurte van die
gróte dampende paerdn te komn. De knecht wier ongeduldig.
Die gaf 'n klap mee de liene en riep: 'Allee vort'.
En dao gieng m'n 'oepel, acht gróte paerdepoótn denderdn over
m'n liefste speelgoed, 't Gele 'out sproeng kraoknd uut mekaore
en de kraoln roldn alle kantn op. M'n oepeltje was êlemao
verrinnewêêrd.
't Is a 'eêl lank geleen, mao toch dienk ik er nog wel 's an. Geel
was t'n, mee 'n rooi 'andvat en die kraoln die rienkeldn zó
leutig...
Glacisstraat 165, 4381 SE Vlissingen
Postbus 16, 4380 AA Vlissingen