I
Mee onze voornaemen is 't afgelope dienk ik: Wanne, Jikkemien
en Leune mochten 't veld rumen vö Monique, Jacqueline en
Sylvia. En Jewannes en Sakke noeme ze noe Kevin en Brian.
Achternaemen ore nog vee op z'n Zeeuws uutgesproke: de Groot,
Bruunoöge, Ludikuze en zö meer. Mae Zeêuws geschreve achter
naemen bin d'r nie vee. Van der Meulen en Meulmeester klienke
noe wè Zeêuws, mae waere vroeger Algemeên Nederlands. Sturm
trekt d'r a meer op. Van Dulve, Overdulve, Van Weele, Van der
Weele, Bij de Vaate en Van de Vaate bin toch wè zuver Zeêuwse
begrippen.
'Huwelijksbevestiging is aangevraagd door Jan Duivenhok en
Maria Tevèl', las een domenie van buten Zeeland. Ellèlle, dat ei 't
joenge echtpaer Duvekot gewete 'oor! 't Was Jan en Merie
Duivenhok vor en nae! Op ulder trouwdag krege ze van goeie
kennissen een koppeltje duven jmee een kotje d'r bie. Allee, 't is
nie aol Zeêuws wat d'r klienkt, ee!
Noe nummer 6
