nae zö'n café en krege van de enthousiaste waerd aolderlei folder
materiaal mee. Vo Vlaoms te leren, aod n d'r bie gezeid. 't Was aol
rotzoo van 't Vlaoms Blok of erger. Sind dien dag komme d'r nae-
bie alleen nog mae toeristen. Mae laete me wel zien: de meêste
van die nieuwe 'ouwe' cafees bin nie fout. De foute bin alleên
naebie nie te 'erkennen.
Op West-Cappel, dat a tussen Oost-Cappel en Wylder leit, loop
ik een ziestraetje van de durpsstraete (Grand' Rue) in. 't Liekent
net of a'k bie toverslag in een Nederlands nieuwbouwwijkje bin-
nenstappe. Rijtjesuuzen in Belgse baksteen, mee an de voorkant
een schuurtje an 't 'uus en een plekje vo j'n auto te parkeren. In
de tuun coniferen en schutjes om 't eige gezinnetje veilig van die
enge buren af te schermen.
In de durpsstraete stae een stel joenge gasten mee brommertjes.
Ze roepe iets nae me en ik roepe zonder nae te dienken iets in 't
Zeeuws terug. En wonder boven wonder: 't oor 'erkend. 'Ah!',
roept er eên. 'Godverdomme! Vule donder!'. Een aor eit ook bie-
les van z'n grótevaoder g'aod: 'Kus m'n kloótn!'. Ze wete nog net
wat a ze zeie, mae verder komnje ze nie. En vee verder zu'n ze
ook wè nooit komme.
Pier de Witte is benauwd a 't gebeurd is mee zien taele. 't
Uutsterven is te vroeg begonne en te verre deurgegae: 'Wilder
kustn geên Vlaomsch klapn fn 't schoole, ee. Me wiern gestraft a
me dat deeën. Maor in dienzèlfdn tied waorn d'r nog vele
menschen die an geên Fransch en kustendn, die 'aon ulderen
catechesatie up zien Vlaamsch g'ad. Mao noe is t'r a naobie geêik
mensch nie meer die a Vlaamsch kan leezn. De joenge gastn ziep
't al kwiet en wat an ze ook zoekn, ze kunn 't nie meer vindn.' j
Vule donder
Noe nummer 6
Om in Kromen-Houck te kommen ka je 't beste bie Brugge richtieng
Oostende riee en zö verder over de snelweg toet vobie Veurne. Net in
Frankriek neem je afslag Bray-Dunes en gae je richtieng Hondschoote en
Les Moëres. In Les Moëres nae de kerke rechtdeur de polder in en nae een
kilometer rie je zö tegen de camping 'L'enclos Fleuri' van de fermielje De
Witte an. Je doet er vanuut Bresjes minder as een uure over!
A je toch in de buurte bin, moe je zeker Bergen (Bergues) mee z'n fraoie
stadswallen 's bezoeke.Nog gin dertig kilometer verderop vin je Saint-
Omer, een stad die a de reize meer as waerd is. A je dae vanuut Bergen
nae toe gaet, moe je de route langs Bollezeele, Merckeghem (mee de
gaeve Sainte Mildrède-kapel) en Watten riee. In Watten rie je nae benee
nae de Aa toe, een riviertje dat a eeuwen lank de taelgrens tussen Vlaoms
en Picardisch vurmt.
Een bruun café dat a nie aol te 'bruun' is, is 't Kasteelhof. Dat lei in Cassel
bovenop de Kasselerberg. De goeie reize!
Itisthoek*
Duin
Charrtëro
PÜMKERQUE
Clwfuttoi 4
K[WTi»n-Houcl