SmèrTapn en motzakn
Toen d'r vo de zöveeste keêr een brief van de gemeente op de
S deurmatte viel, docht 'k was da noe weer.'k Zien toch me ver-
2 geetn m'n rechtmaotigeidsonderzoeksformuhertje in te levern
m Dat 'eêtte vroeger inkomstnbriefje, mao omdat ambtelijke taole te
moeilijk waor vo de geweune stervelieng is da veranderd en
iedern veranderieng is een verbeterieng, nie waor?
Mao dan zag 'k wao 't om te doen was en ik maoktnde spontaon
een rondedansje. In m'n 'oöfd zoeng 't 'onze Heer dat is de beste,
onze Heer is kampioen' (Koot Bie, negentiennogwa). t Sloog
nersest op feitlijk, mao t was we leutig.
D'r wier naomelijk vo de twidde keer in kortn tied een beroep op
vriewilligers gedaon vo 't zwerfvuul in de gemeêntn
Aernburg/Sluus en Oóstburg op te ruumen. Omda k vee meer
vriee tied sian geld 'èn, was 'k d'r as de kipn bie om me an te
meldn. 'k Wier dan ook snel uutgenödigd vo nao een voorlich-
tingsbieeênkomst op 't gemeêntuus in Oóstburg te komn.
Daor angekomn 'oórdn we da naost de buutngebiedn ook alle
straotnkekuust mostn worn van zwerfvuul. Zó te zien ouw t
milieubewustzien van de burger geên gelieve tred mee de econo
mische groei. En 't toeristnseizoen zat er an te komn.Vandaor.
Waorn d'r nog vraogn of opmerkiengn?jdzegt dr eene, kkan
nie bukn en 'k 'èn vee last van me rik. Eén ander zei at ie de eeste
drie daogn van de weeke andere diengn om 'andn ao.
A\êj Da vurmde geên beletsel om een paor d&gn laoter de kuus in
Sinte Kruus te beginn. Bie de kerke, de Peperbusse, mee neegn
mensn. Da was snel bekeekn. Geên zwerfVuul te bekenn. Daonao
was Aernburg an de beurte. De leste keêr an me ier de boel
gekuust 'aodn, was 't de moeite, mao noe viel t mee. We vondn
wudder een natgeregnde kartonn doóze mee een paor kunst-
penisn en vibrators d'r in en verders de gebrukehjke blikjes, flesjes
en snoepverpakkiengn. 't Kuusn van Truzement wier ervaorn as
een toeristisch kuiertje, 't Speurn nao afval gieng over naor t
bekiekn van den omgevieng. Me zaogn gróte schooln rmgbaorzn
zwemn in de gracht rond de wain en me genoom van de vele
gróte Berenklauwn die an in bloei stoengn. Mee die lange wande-
lieng over de waln gieng den tied zeêre vobie.
In Sluus, wao volgens de leste schattieng toch wè onderdmiljoen
toeristn udder commissies doen en udder maoge vuln, bestoeng
den oest uut plastic en bliksjes. In de bosjes en 'aogn kos niet
gekeekn worn vanwege de begroeiieng. Portemonnees en weg
gegooide paspoortn zuln pas wee nao 't seizoen boovn waoter
komn.
Buutn de bebouwde kom van Sluus ontwaordn we een vremde
veueel. 't Was een kwak of nachtreiger. Daor wier nog lang over
gepraot. Omdat ie op een reiger leek, mao 't nie was. Ondertusn
waorn we d'r achtergekomn dat er voor ons dit keêr geen keete
zou komn geliek as de vorige keêr. En geên toiletwaogn. Da bete
kende da je soms most schaftn op straote en da je most pisn in de
bosjes. En an me dao bie gesnapt zouen worn, zouen me gliek as
iedereên een boete van zeventig guldn motn betaoln.
Dan zien me nao Cezand gegaon, an 't strange, 't E ier da de
man die 't an z'n rik eit, begost te zêvern. En me zo n bitje ook.
En 't is nie alleên z'n rik, maor ook z'n lange teênn. Ie klaogde bie
de projectleider dat ie geên opdrachtn van buutnlanders accep-
teêrt. Dao bedoelnde ie Ali en Cisco mee. Gelukkig wier t-ie uut
de ploeg gesmeetn. Een paor daogen laoter, op 't naoktstrange
van de Groe zaogn we 'm lign tusn dikke Duitse en Belgse
maroln. Dikke pooke, dikke nekke.
N o e nummer 6
