Regenboögje
'Ebbe je ook vernome at er noe eindelienge ook in Zeêland een
'streektaalconsulent' gae komme? Daemee sluut Zeêland an de
ene kant an op ontwikkeliengen verderop in 't land (in 't noor
doosten ze a vee langer van die consulenten) en an de aore kant
lópe me voruut op de erkennienge van 't Zeeuws as streektaele.
Want dat die erkennienge d'r komt, dae twufel gin mens an. 't Is
enkelt mae de vraege 'oe en wanneer. Dat 'angt af van 'oe a ver
schillende partijen as onze Stichting Zuudwest 7 en de
Zeeuwsche Vereeniging voor Dialectonderzoek saemen kunne
werke. Me zulle ziee.
't Is wè te bidden dat de nieuwe streektaalconsulent een bitje
boven die partijen kan stae en at ie of zie nie vanuut een bepael-
den 'oek nae voren geschoven oor. 't Moe iemand weze mee vee
kennis van dialecten en mee nog meer 'voelieng' mee 't Zeeuwse
dialectenwèreldje. Want da's best een apart wèreldje. Aollerlei
mensen en clubjes en kliekjes die aol dienke da ze vo 't 'êle
Zeeuwse volk praote, of at noe gaet over spelling, onderwies of
medja. Twint a naebie den 'elt van dat volk gin eênst 's Zeêuws
praot en van den aoren 'elt de meeste 't aol wè gelóve.
Zö'n consulent zou, kortom, een dialectkundig mens moete zien
die genoeg overzicht en inoud eit om aolle kleurtjes van de
Zeeuwse dialectenregenboóg goed toet ulder recht te laete kom
men en te zurgen a die kleurtjes nie vloeke.
Vloeke. Das iets wat a je naebie zou doee a je 't openiengsartikel
van Jan Zwemer leest. Dat er 't eên en 't aor nie deugt in de zurg-
sector mag noe, nae wekenlang gemier in de kranten, wè dudelijk
weze. Mae dat aol die ellende op eên dieng neerkomt, oor deu
Jan Zwemer wè 'eêl dudelijk uut mekaore gedae. Geld maekt
ziek.
Een bolletje bruun en een bolletje wit maeke je ook nie vee beter,
leze me in 't stik van Jan Bruens. Die eit in een Zeêuws-Vlaoms
durpje een naebie-ex-verslaafde geïnterviewd over 't gebruuk van
cocaïne (wit) en heroïne (bruun): 'An 'k begon mee af te kickn,
gebruuktn 'k wè drie gram smack en dao basedn 'k ook nog drie
gram cocaine deureene'. Mae: 'In 't jaor 2000 wil 'k 'eêmao clean
zien'. Ook dat kan in 't Zeêuws.
Verder in deze Noe een berg 'uselijkeden en tuunplezier: kauwen,
mèrelaers, blommetjes, vlinders (of zeie julder nog (beuter-)kapel
letjes?), ripsen en ander fien spul. Natuurlijk ook wl scherpe kant-
têkeniengetjes van Bamboes Ko en bergen veraelen en gedich
ten.
Das wi een dialectregenboögje van veertig bladzies da je toch nie
gaeren zou misse, ee?
Rechtzettieng
De foto voorop de vorige Noe, nummer vuuve, was natuurlijk nie van
Bram Willeboordse. Dae was n vees te onscherp vo. 't Prentje mee de
tweê gastjes in een boötje kwam uut 't foto-album van Jan van
Broekhoven. Sorry, Bram. Kommende keer beter.